✔ 最佳答案
估計你11:00到達澳門, 過埋關, 等埋接駁車到金都, 已經12:00, 應該可以CHECK IN, check in完之後, book定酒店的自助餐, 連加一之後每位約158, 由於係你女友生日, 我覺得應該行下d 浪漫的地方, 安排如下:
1. 先到氹仔市區行下, 食埋午餐, 好多選擇, 視乎你想平定貴, 如果貴少少可以考慮波爾圖葡國餐廳或木偶, 平d可以食中菜, 再平d可以食大利來
2. 順住官也街行到盡頭, 有條樓梯上去, 就是十字公園, 再落斜就是著名的龍環葡韻, 可以影下相, 參觀下土生葡人的家居(博物館)
3. 大約3時多, 可以搭車去黑沙海灘, 雖然唔係一個好靚的沙灘, 但都好有特色, 因為d沙真係好黑, 如果可以睇埋日落都唔錯。
4. 酒店自助晚餐(呢一part你自己決定,金都的自助餐質量ok, 但因為人太多, 情調就麻麻, 否則可以book定旅遊塔的自助晚餐, 食物一般, 但情調幾好, 夜景一流!)
5. 到澳門漁人碼頭行下, 夜晚靚d
6. 回酒店
7. 第二天再到澳門各處行下, 例如海事博物館, 大三巴等, 亦可以到各大賭場行下, 視乎個人喜好。
2007-05-04 10:07:34 補充:
賭場方面, 你可以順住來行, 由葡京出發, 有新葡京, 過d有永利,一再過d有星際, 再過d係金沙, 再過d係漁人碼頭(巴比倫賭場)自助餐除了金都, 可以選新葡京的自助山, 但呢兩間的人比較多, 情調會差少少, 唔好選金沙, 因為比以前差了, 本來旅遊塔我一向都覺得唔抵食, 但如果同女友慶祝生日又唔同, 個景會令佢難忘d。