唉....入黎吧

其實呢
女孩子會介意男朋友整開佢隻手
感覺好似不被愛咁

我睇你咁講
都好同意佢係愛你既
佢又為你做咁多野
又會為你唔開心
我諗你最好就唔好整開佢隻手啦
如果下次再係咁
最好就坦白講點解你要整開人隻手
如果唔係
佢又可能估你唔鍾意佢啦

至於到左而家
你再道歉都冇用
因為件事可能都隔左幾日
最緊要就係以後小心d
除非佢又問你點解
你就坦白答佢
(其實你當時點解要整開人隻手呢?)

佢都話左你知
你小息唔搵佢
同埋成日同其他人玩
佢真係會唔開心架
佢都坦白話左你知佢想要d咩
你咪就係
小息去搵佢
多d同佢玩(唔係玩佢)
得閒又寫下卡比佢
比下d驚喜佢lor~

你話搭車既時候同另一個同學玩佢
lee樣野最好就避免啦
耐唔耐一次都冇所謂
成日都係咁既話
女孩子會覺得你唔鍾意佢
唔理佢感受
如果o個個同學都係女仔
咁可能仲衰tim

至於你話可能自己太緊張
咁你都可以試下同佢講番
其實你都想佢開心
不過唔係好識
問下佢點樣會開心d
咁你咪知點樣可以做好d lor

拍拖唔可以單靠估估下
真係要多d溝通
坦白講出自己既感受
關係先至會更加鞏固同埋長久架

係眀友郁嬲啦!!

佢係鍾意你嫁,but係女仔都小器嫁啦!你又玩佢,有邊個會開心嫁!!
你下次唔洗講對唔住,你用行動去表達咪得囉,仲好嫁^^