想考電單車~有d問題唔明

答你第二個問題先
考電單車係需要完成兩part考試, 如你所講係第一部份ge強制以及第二部份ge路試.

首先報名後係必須完成十二節ge強制課堂先, 分三天進行, 每天四小時.(運輸署指定). 而呢三日內會教你一d電單車ge基本操控如平衡, 開車停車, 埸內兜圈等.

而完成三日後就可以排期考第一部份ge強制試, 太約等一個月, 而強制就係考三天內學的東西, 主要考五樣野: 1. 開車 2. 停車 3. 轉左 4. 轉右 5. 急速煞車, 全部在場內進行, 考官會站在一邊看你完成五項步驟.

而當你強制合格後才可申請學牌揸出街學路面, 太約再等個半月. 而路試考鈄路打八字以及行走指定考試路線(考官駕電單車跟在後). 同時完成兩項合格便可領取暫准執照, 一年後自動再換領正式執照.

全程最快大約需四個至五個月(因兩個考試是分開考而且因兩試之間等出學牌所以時間較其他車牌需時較長)

至於報名問題就睇你自己選擇, 在香港只有兩個途徑可報考電單車.

第一是觀塘駕駛學校, 強制必需於觀塘上堂考試而路試必需於何文田天光道考. 價錢太約四千五百多, 價錢較平, 但地點不太方便而且路試在天光道出名難考.

第二是香港駕駛學院, 可有三個地點選擇, 元朗, 沙田及港島區, 好處是強制及路試在同一地點考, 而且有私人場地操八字, 好得多, 我之前有fd貪平幫襯出面, 要在天光道附近自己揾鈄路操車, 結果成日俾人趕.好煩, 考左三次先得...香港駕駛學院雖然價錢比觀塘高小小, 太約五千多, 但因我是在駕駛學院考到電單車牌的, 我覺得阿sir教得幾好幾nice, 路線又易考結果一次合格左, 我有好幾個朋友都是在駕駛學院考的, 都係一次pass.
你可以去問問先, 自己比較吓.

祝你早日考獲電單車牌, 一take pass!!

參加完強制課程後，才能駕駛學習電單車出街，訓練駕駛技術，最後才考路試。總共由報名至考試，最快為二個月。銅鑼灣是有得考電單車的。