salary tax for 2006/07

1)我要過海係唔係有車船津貼?
硬係無啦, 你又唔係學生, 政府點會俾車船津貼你, 如果你公司每個月出糧出埋車船津貼俾你, 咁你仲要將D車船津貼都報埋稅tim.

2)無捐donation的話,可唔可以自己作啊..會唔會比人check到啊?
欺騙稅局好大罪, 如果俾佢地抽查check到, 就算唔告到你坐監, 都罰錢罰到你死.

3)同埋2006/07係唔係有$15,000回饋?
HK$15000只係一個納稅人maximum可以得到嘅回贈, 如果你要交HK$30000稅,咪可以攞到HK$15000回贈囉, 如果你只需要交$3000稅, 就只可以攞到HK$1500喇, (只可以攞50%, 你自己計下啦).

4)我係2002/03個年報左個course讀...呢個可唔可以係今年到減啊?
要睇下你讀咩course喇, 稅局規定可以扣稅嘅course必須要證明到同你做緊嘅工作或個行有關, 如果唔係就無得扣, e.g.你做普通會計文員, 讀咗個揷花班或編織班, 咁硬係無得扣啦. 仲有, 你個course係2002/03報讀嘅, 如果合乎扣稅資格, 理應喺2002/03嘅報稅表到報咗, 如果當時已報咗, 咁今年硬係無得再扣啦, 如果當時無報到, 你今年都可以照報, 如果稅局check到, 你咪書面同佢解釋話你之前無扣呢條數囉, 睇下佢接唔接受 (注意: 稅局只受理書面解釋).

5)仲有我買左部電腦係for 工作用架....咁點樣做先可以攞到個depreciation啊....?
個人薪俸稅係無得扣depreciation gar, 除非你自己成立一間公司, 由個間公司買部電腦, 咁部電腦就係間公司嘅固定資產, 間公司就可以用電腦嘅depreciation扣除taxable嘅profit喇, 但如果你開果間係空殼公司, 完全無收入嘅話, 咁部電腦嘅depreciation一樣無得扣, 因為間公司根本唔洗交稅.

6)我想交少d稅啊..幫幫手啊..仲有咩可以減啊... ?
一般打工仔, 除咗免稅額外, 其實都無咩可以扣, 最多讀多D同自己工作有關嘅course(讀course嘅錢可以扣稅, 但有maximum限制), 考番一個同工作有關嘅專業資格(就算你有好多個專業資格要交年費, 稅局都只會俾你扣是但一個), 生多幾個仔女(攞子女免稅額,但有maximum限制), 買番幾個物業(供物業嘅利息可以扣稅, 但有maximum限制).

我係sale.
我要過海係唔係有車船津貼?
無捐donation的話,可唔可以自己作啊..會唔會比人check到啊
我係2002/03個年報左個course讀...呢個可唔可以係今年到減啊
仲有我買左部電腦係for 工作用架....咁點樣做先可以攞到個depreciation啊....

All are non-dudutible in Salaries tax.

同埋2006/07係唔係有$15,000回饋
$15,000 is the max. 50% of your tax payable only.

e.g. your tax payable is $10,000, you only need to pay $5,000.

以下 website 可以幫你計要交的稅款，你還可以tick入d item度，
看看他所規定的可扣稅 items是甚麼。

http://www.ird.gov.hk/chi/ese/budget/st_comp_2006_07/cstcfrm.htm

對不起, 你所提出的支出係冇得減. 除非你在06/07年度有讀course之外, 你係唔可以用之前的支出扣減. 你冇donation但你作野係唔work, 一經發現監都有得你坐. depreciation係公司扣減, 個人入息係冇得扣減. 交稅係公民責任, 如果要想辦法少交稅款, 你可以問下專業的會計師.