咁係咪比人搵左笨呢

朋友....小弟在這裏多次提及行外人要如何避免中招, 仍然發生這些事情, 實在感到無奈、感歎及唏噓, 你的情況雖然已成定局, 但我亦再一次不厭其煩, 重新再說一遍, 希望其他人見到, 也可引以為鑑

以下純屬個人感想

買旅遊套票如不小心相信旅行社職員的要求落咗訂, 之後間旅行社又反價, 究竟是甚麼原因

台北好多group fare ticket, 團體機票可以有好多問題, 航空公司以相當吸引的價錢比個台北group fare(行內俗稱 "台北盤")間旅行社, 咁該旅行社的底價就會比其他無呢個台北盤的旅行社平很多, 當然間旅行社要包銷一定數量的機票, 所以如果個盤要包銷40個機位, 間旅行社就會用各種方法去拉客, 幾乎所有行內所售賣的各款package都係呢啲group fare ticket, 如果唔係, 邊有得咁平, 大家不妨看看手上所持有的機票左下角的publish fare, 就一目瞭然, 除此之外, 有盤的旅行社亦會供應比其他無盤的旅行社, 試試上去某些旅行社網站, 都不難發現網站內有條link係比同業入password登入既, 外人入唔倒去. 有盤的旅行社如果在deadline之前包銷唔倒40個機位, 咁點算呢????咪唯有...........哈哈哈哈, 咁你明白啦, 所以 agent唔到最後last moment都唔會submit份乘客名單上航空公司,

網上訂購可唔可靠?

網上預訂旅遊產品視乎妳是否有足夠的行內知識, 很多時候絕對不是旅行社想以不法手段去欺騙消費者, 而是消費者未能充份明白或理解錯誤自己所訂的旅遊產品, 一個相當簡單的例子, 單單 Economy Class 一項已經有幾十款價錢, 訂經濟客位唔同, 不同的價錢要訂不同的 Class, 不同的 Class又有不同的限制, 很多人知道訂頭等 First Class 就是 F Class, 亦有人以為商務客位 Business Class 就是 B Class, 殊不知原來 B Class原來是經濟客位的其中一款, 林林總總, 不勝枚舉, 試問行外人又怎能輕易理解.

小心選擇旅行社

香港絕大部份的旅行社都是用正當手段做生意, 當然亦會有"樹大有枯枝"的情況出現, 公司本身是正規的, 有些時候只是旅遊從業員出了問題, 為着做成一樁生意, 得到佣金而無所不用其極, 本人亦感到無奈. 甚麼甚麼落訂前要了解清楚, 要小小心心, 要找有信譽的旅行社等等....全部都係徒然, 旅遊產品的花巧招數, 豈是行外人所能輕易理解的, 本地亦有些旅行社無需繳付訂金, 保障比較大, 一手交錢，一手交貨根本就係行規

價錢吸引好唔好幫襯

哈哈....呢個問題難答囉, 很多時候見到旅行社的產品價錢, 真的瞠目結舌, 唔知點講好, 這裏不作批評. 或者天下之大, 無奇不有, 世上真有人會做蝕本生意.行內人有足夠知識去判斷某個旅遊產品的價格是否真確, 行外人又如何呢? 最佳方法係參考2-3間有信譽的大agent價錢, 但只可以作為參考藍本, 因為大agent通常會貴小小就係人都知, 那為何要2-3間呢? 一間咪可以囉? 不是說過公司本身是正規的, 有些時候只是旅遊從業員出了問題嗎. 之後再看細agent的價錢, 剔走所有平得離譜的不正常價格.中招機會就會很細. 短樁案都係因為貪平衰咗囉.

有問題想大家研究吓既, 不妨send個email比小弟呀

[email protected]

我之前都幫襯過星月，但就無試過咁
最近幫襯過專業都ok

相反我喺另一間問既時候
問價既時候就乜都有
都話要book啦
又話li樣無
嗰樣又要waiting list
又話一定要guarantee落埋訂先可以check

如遇到要guarantee落埋訂先可以check，li類情況
通常都係有d問題
咁就要小心啦
佢講就會話落完訂唔得可以退
但到時你想退就........難
佢可能會搵d其他野比你夾硬要你要
咁可能就價錢一般，去左d你唔係咁想去既地方
咁就無謂啦

比得錢，其實都係想開開心心咁玩返個假期啫

算啦..當買個教訓....之前我睇到好多都話你呢間聲譽唔係幾好!!
我諗以後都係去大行買呢d野會好d...零願比多d錢..都唔想個心咁樣...(又擔心又唔訓氣)
因為我都試過你咁ga情況...
所以都係比貴d都唔想受氣!

你上這些地方買package呀,十間十間都係咁.
算啦!唔買都買咗啦.
下次去出名旅行社隔價,(東瀛遊/星辰等..)唔會相差很遠
千奇唔好以為平(在報紙賣晒廣告嗰啲)