激光矯視風險

1. 做手術前, 醫生會先幫對眼消毒, 然後落麻醉藥. 雖然有麻醉藥, 但係都幾痛下 尤其佢會用儀器撐大你眼皮, 令你唔可以眨眼, 會好唔舒服, 之後你仲會眼前一黑(一陣).大約1分鐘左右就完成手術.

2. 做完激光矯視手術後, 第一晚會好痛好痛, 對眼好似有針刺住咁, 而且唔止一支針咁刺你... 但捱過左第一晚就好快無事了. 但注意, 做完手術既一個月都唔可以畀對眼受刺激. 包括: 吹風, 或處於強光之下, 洗面洗頭亦要小心唔好入水. 建議唔好呢個時候做, 因為夏天陽光比較猛烈, 對眼唔好.

3. 我唔係太知成功率. 但係身邊都好多大做, 而家做完近視無再加深. 但本人經驗係: 如果你屬於長期都會對住電腦或書本既人, 就唔好做了, 因為做完手術, 眼睛一定要休息. 我做完手術已經兩年, 對眼好似有返少少近視, 因為我工作同讀書都會常對於電腦. 最嚴重係, 唔可以長時間望住個monitor 或書本, 如果唔係會眼痛同頭痛. 我做完手術一年內, 對眼都keep 住感覺重重的, 好似有野壓住, 要keep 住滴眼藥水去控制"眼壓".

4. 任何手術都會有一定風險. 唔同醫生/醫院風險都唔同. 你要問多D 人既意見. 上網既人既意見唔好盡信, 一定要親身見到人地既成果. 唔好相信廣告.
手術失敗最嚴重後果係盲. 或多或少會出現的其他症狀包括發炎, 眼壓過高等. 亦有可能會有返近視. 上網睇過人話可能會深過未做前. 但我唔清楚.

5. 我o係珠海做, 只需要$4500. 平D $3500 都有, 但個醫生就低level D. 我唔敢叫你上大陸做, 呢D 要你自己去衡量.

養和醫院和港安醫院引入的全激光切割矯視技術，是以一連串25萬分之一秒頻率發出的極快速IntralaseFS激光，根據預設的直徑、深度、寬度、橫切角度、接口位置及斜角邊等進行角膜瓣切割，免除了傳統刨刀以刀片削角膜時，有機會導致磨損角膜、角膜瓣穿孔、過短切割或過分切割令整塊角膜瓣脫離等種種危險。

後遺症就幾乎零,只係做完對眼之後會比較乾,同埋夜晚睇嘢會有昡光,即睇嘢化開,但唔係個個都會,所以呢個assessment 係唔少得。

新科技價錢也較貴，傳統刨刀切割激光矯視費用約1.5萬元至2萬元，若以激光切割則要多付5000至7000元，另外，刨刀切割過程只需10秒，激光切割則需時45秒，整體手術時間亦多7分鐘。

何時可以做激光矯視？要注意甚麼？--基本上只要你夠18歲就得,但之前要睇科醫生做一個assessment,例如:obscan(眼角膜厚度,因為眼角膜太薄唔做得),驗清楚度數(如果你有帶contact lens,soft lens要停至少一星期,hard lens就要停一個月,咁樣驗出嚟個度數先準),仲要放瞳孔睇視網膜,如果視網膜太薄或者穿孔,就要先做laser鞏固番個視網膜,深近視的人較容易有視網膜脫荅落危險.

雷射視力矯正指以雷射永久改變眼角膜的弧度，達致矯正視力的目的。

雷射視力矯正可矯正近視、遠視、散光及老花等視力問題。最高可矯正度數有一定限制，並受到病人角膜厚度等因素所影響。

所謂的雷射視力矯正其實是一個統稱，實際包括以下幾種手術方法：

* PRK
* LASIK
* LASEK

醫生會因應病人的條件選擇適合的手術方式，近年以LASIK最為普及。


衛生署引述外國文獻指出，少數激光矯視個案可能有嚴重副作用，除1.矯視度數不足，2.還包括視力下降、3.角膜增生或霧化，另外，手術機械故障亦可致眼部受傷，嚴重的角膜感染個案更可能要移植眼角膜(見表)。
4.目眩或出現重影 (Coma 值高達 1.4, 正常是0.4)

手術後遺症 保險或不賠http://www.mingpaonews.com/20070102/gba4.htm

激光射不準 近視變遠視重影
「手術風險未必高 若出事或補救不到」
http://www.mingpaonews.com/20070102/gba2.htm

激光矯視風險醫院遲披露
消委關注 促及早詳述後遺症http://www.mingpaonews.com/20070102/gba1h.htm

醫生須詳述風險
病人應主動了解
http://www.mingpaonews.com/20070102/gba3.htm

兩度激光矯視 眼乾近視復發
衛署促醫院提早披露風險
http://www.mingpaonews.com/20070103/gwn1.htm

養和醫院應該會比較好，因為我都有朋友在那裡做手術，而且也聽到幾他想做的朋友討論過也是養和最好。因為現在技術好了和普及了，收費方面已經比從前低了很多，大約六千多元就可以了。至於不成功的手術當然有後遺症，輕的會是眼痛、視線模糊、容易頭暈等，嚴重的話可能會盲，因為手術中的最大風險是激光令視網膜受損，所謂因手術不成功的副作用或後遺症就視乎受損程度而定了。