心裏有條刺
2007-05-03 9:42 pm
好煩腦呀！我個男朋友對我真的很好，但不知為何我會對這段感情好無安全感(已經四年多)，尤其現在放假唔出街打比佢時佢唔聽或者聽唔到我個腦就不其然地想不好的事，例如佢會唔會出左去同第二個一齊？但其實係唔會，因為我自己係知道佢做咩都好我信得過佢唔會一腳踏兩船個隻！但我又唔知點解會好嬲！好唔信任佢！覺得點解作為佢女朋友都唔知佢做緊d咩！去邊到！可能佢會覺得係管束，但我只需要佢話比我知佢出街啦，咁我會安心d，同埋咁我先會覺得我係佢女朋友囉！大家明唔明我的問題？現在佢知我有需要一些東西就約我交給我，雖然應承出來收，但我個心好唔舒服！仲係好想發脾氣！我嬲係佢比我既感覺已經唔當我係女朋友，咁點解又要對我咁好？我好辛苦呀！我現在已經忍手唔再打比佢！因為我好唔想再一次無聽我電話而令自己不快！但好難忍！
回答 (10)
2007-05-03 9:55 pm
✔ 最佳答案
我覺得妳咁樣做好唔啱，因為好似我個妹，她的情況及性格和妳一樣，都是要求個男朋友無時無刻都將手提電話擺喺手上面，等佢可以按自己的喜惡而隨時搵到男朋友，佢男朋友亦都好似妳男朋友咁，成日都聽唔到電話響，又或者自己好忙唔得閒聽電話，成日比我阿妹鬧到佢飛街。結果，佢男朋友終於都忍唔住，如是者，佢哋都分手咗好一段時間，之後，要我哋一齊哄番佢個男朋友返嚟，依家先再一齊拍番拖，不過我哋知道佢男朋友心裡面都一定係有條刺。
其實，妳要知道，他也是一個獨立的個體，必須有自己的私人空間，而妳也應該學習怎樣收起妳的疑心，要獨立ｄ，並不需要因此而覺得自己沒有安全感。不要給他這麼多無形的壓力吧！這只會慢慢地侵蝕你們之間的愛情，令兩人心中有一條永不能拔除的刺。
本人在此祝福妳能享有美滿的愛情生活。
2007-05-04 12:58 am
其實你地拍左咁耐都應該要信任對方,愛一個人緊係會成日都諗住佢,掛住佢嫁啦,好正常,我都會,其實唔洗咁擔心既...
拍拖耐左,一定個感情冇岩岩果時咁嫁啦,因為熱戀期過左,淡左都好正常,佢咁想其實都只係佢信得你過,想比多D空間你咁JA,唔洗怕啊,一個人既心,係唔會咁易變嫁,何況你地仲咁耐,以經係一個固定既感情黎嫁啦~
拍拖耐左,一定個感情冇岩岩果時咁嫁啦,因為熱戀期過左,淡左都好正常,佢咁想其實都只係佢信得你過,想比多D空間你咁JA,唔洗怕啊,一個人既心,係唔會咁易變嫁,何況你地仲咁耐,以經係一個固定既感情黎嫁啦~
2007-05-03 11:59 pm
其實最大問題係你自己，你覺唔覺得你自己好專制？你兩已經拍了四年拖，你亦應該很了解你男朋友才是。既然你自己都那麼肯定他不會另結新歡，那你的不開心是從那而來？為何你對他有信心，反而對自己無？如果他的性格是這樣的，那你們可以透過商量來表示一下你對他的關心，並不是每次都只是生他的氣，一切好像全都是他的錯。你要知道，嬲...並不是你的專利。
兩人相處，互信和互相給與空間是非常重要的。你應有的反應應該是關心他而非不相信他。可能正因為你時常打電話給他，對他來講，那已是極不信任的行為。日後和他見面時要把你的小姐「皮」氣收歛一下，對他說多點關心的說話，兩人才能和諧相處。
兩人相處，互信和互相給與空間是非常重要的。你應有的反應應該是關心他而非不相信他。可能正因為你時常打電話給他，對他來講，那已是極不信任的行為。日後和他見面時要把你的小姐「皮」氣收歛一下，對他說多點關心的說話，兩人才能和諧相處。
2007-05-03 11:55 pm
如果你男朋友係國家領導人，請問佢的行踪，是否要時時向你報告，甚麼級數的女人識番甚麼級數的男人，如果你的男朋友，好像黏身榚葯咁得閒，請問這個男人是否高級數也有限，你想你的男朋友，是個有為青年，定是個無聊男人，你的男朋友對你是否真心，你早心中有數，何以查問佢的行踪呢？你的問題，是自己太得閒，所以胡思亂想，你不如找尋多啲興趣，可以分下心，如果你都忙時，就算佢得閒無事，搵你都覺得佢黏身。
2007-05-03 11:48 pm
我好明白你既心情因我同你情況差唔多, 可能比你更差, 四年來我同佢唔知有冇食到二十餐飯, 只睇過一埸戲, 相處見面既時間都唔知有冇兩個月,每次投訴完佢都會應承比多d時間陪我但最後又係冇左件事, 佢有一千萬個理由去解釋, 有一千萬件事去做, 如果我唔體諒就係我小氣,唉....以上各位既說話我明白但女人始終係女人, 懷疑之心一發不可收拾, 我試過放棄但做唔到, 為佢做左好多好多只係想佢緊張我但又唔想增加佢壓力, 好煩好失落, 如果你男朋友有定時定侯同你相見已經好好啦, 我有既只有"等待".... GOOD LUCK.
2007-05-03 11:03 pm
咁問題你有無同你男朋友講過希望佢盡可能聽你電話，等你安心d呀!
其實我都曾經試過有你呢種既感覺，經常打俾我男友但佢唔會聽電話，之後自己一個人就開始胡思亂想，總之同你情況一樣，後來我同我男朋友講，其實我係一個嚴重決乏安全感既人，希望佢能夠體諒，因為我本身係一個破碎既家庭長大，對任何事對好無安全感，由其係身邊既另一半，只要你心平氣和同你男朋友傾下，問題係可以解決既，自己既情緒都好d啦。
其實我都曾經試過有你呢種既感覺，經常打俾我男友但佢唔會聽電話，之後自己一個人就開始胡思亂想，總之同你情況一樣，後來我同我男朋友講，其實我係一個嚴重決乏安全感既人，希望佢能夠體諒，因為我本身係一個破碎既家庭長大，對任何事對好無安全感，由其係身邊既另一半，只要你心平氣和同你男朋友傾下，問題係可以解決既，自己既情緒都好d啦。
2007-05-03 10:39 pm
我發現其實道理你唔係唔明, 只係控制唔到自己的情緒, 如果你唔想令你男朋友覺得煩, 你自己要搵下其他心理寄託, 唔好成日將佢當做你世界的中心, 而家你好似月光, 成日要圍住個地球轉, 佢一離開你的可接觸範圍你就失控, 咁樣唔得架!
你都有自己的朋友掛, 搵下佢地啦! 揾d自己有興趣的事做下, 唔好成日淨係想住佢. 仲有, 叫佢可以的話主動揾下你, 咁咪唔會好似成日都係你去煩佢咁囉! 你個心理都可以平衡d
你都有自己的朋友掛, 搵下佢地啦! 揾d自己有興趣的事做下, 唔好成日淨係想住佢. 仲有, 叫佢可以的話主動揾下你, 咁咪唔會好似成日都係你去煩佢咁囉! 你個心理都可以平衡d
2007-05-03 10:16 pm
555...我覺得..你地唔係一齊已經4年le咩?
你應該比起其他人對佢更加有信心先係...
你要唸下..大佬.4年lo.wo
真係咁easy咩~係咪?^^
而且我覺得..男女朋友之間應該要坦誠相對..
唔應該隱瞞對方..
so..我覺得你如果..feeling唔安心
就應該講比佢聽..同佢相涼下..
睇下發生咩事
如有令佢不快(happy)
你同左佢一齊4年
應該會知佢like.o的咩格
哄返佢..
也許這只是yourself多心姐
而且聽唔到phone都好平常姐
我&我大部分o的fd都係成日聽唔到phone
都係事後先覆返人
^^"
&女朋友唔一定要知佢去左邊
每一秒做緊o的咩
because你只係佢gfd
唔係佢肚子的蟲..
而且我覺得比自由對方
係對佢既一種好基本的專重..唔係咩>
你應該比起其他人對佢更加有信心先係...
你要唸下..大佬.4年lo.wo
真係咁easy咩~係咪?^^
而且我覺得..男女朋友之間應該要坦誠相對..
唔應該隱瞞對方..
so..我覺得你如果..feeling唔安心
就應該講比佢聽..同佢相涼下..
睇下發生咩事
如有令佢不快(happy)
你同左佢一齊4年
應該會知佢like.o的咩格
哄返佢..
也許這只是yourself多心姐
而且聽唔到phone都好平常姐
我&我大部分o的fd都係成日聽唔到phone
都係事後先覆返人
^^"
&女朋友唔一定要知佢去左邊
每一秒做緊o的咩
because你只係佢gfd
唔係佢肚子的蟲..
而且我覺得比自由對方
係對佢既一種好基本的專重..唔係咩>
參考: myself
2007-05-03 10:04 pm
小姐 我覺得你對你自己既自信好有問題
簡單d黎講 我覺得問題唔係出係佢度係你度wor (sori 忠言逆耳)
就羅我黎講 even我見到自己女朋友同其他男性好親密 我唔會驚唔會嬲
因為我知佢好有異性緣 更加緊要係我知佢揀左我
同時我只要見佢開開心心 even其實可能係因為其他男仔哄得佢開心 我都登佢開心
因為我又知識得哄唔等於識相處
講真佢四年幾以黎都對你咁好 一生人又出現到幾多個
問題係大家都有大家既生活 四年幾 中七學生都大學畢業出黎搵工啦
要知道人愈成熟就愈少私人時間
又或者可能佢出左黎番工 even 可能只係part time
好多壓力 要抒解一下靜下 要既可能只係d獨處時間咁je~~
仲有好多男仔都中意打機 會唔會係佢中意左某隻game所以迷左落去
但又怕比你知唔同你講丫
要知道男人除左愛情 仲有事業 朋友 娛樂 要去兼顧
唔似得好多女人將事業愛情娛樂全部都歸入男朋友度ga
放開d 睇開d 學做一個大方得體 賢良淑德既好老婆啦
我相信呢個男仔無咩野對你唔住既 你諗多左 轉左牛角尖je
我又相信你唔係想散既 不如試下你先改變 改到令佢覺得咩事咩情緒咩生活點滴都想同你分享 咁你咪唔會煩呢個問題lor 加油la老友
祝永結同心
簡單d黎講 我覺得問題唔係出係佢度係你度wor (sori 忠言逆耳)
就羅我黎講 even我見到自己女朋友同其他男性好親密 我唔會驚唔會嬲
因為我知佢好有異性緣 更加緊要係我知佢揀左我
同時我只要見佢開開心心 even其實可能係因為其他男仔哄得佢開心 我都登佢開心
因為我又知識得哄唔等於識相處
講真佢四年幾以黎都對你咁好 一生人又出現到幾多個
問題係大家都有大家既生活 四年幾 中七學生都大學畢業出黎搵工啦
要知道人愈成熟就愈少私人時間
又或者可能佢出左黎番工 even 可能只係part time
好多壓力 要抒解一下靜下 要既可能只係d獨處時間咁je~~
仲有好多男仔都中意打機 會唔會係佢中意左某隻game所以迷左落去
但又怕比你知唔同你講丫
要知道男人除左愛情 仲有事業 朋友 娛樂 要去兼顧
唔似得好多女人將事業愛情娛樂全部都歸入男朋友度ga
放開d 睇開d 學做一個大方得體 賢良淑德既好老婆啦
我相信呢個男仔無咩野對你唔住既 你諗多左 轉左牛角尖je
我又相信你唔係想散既 不如試下你先改變 改到令佢覺得咩事咩情緒咩生活點滴都想同你分享 咁你咪唔會煩呢個問題lor 加油la老友
祝永結同心
2007-05-03 9:45 pm
i am your boy fd
收錄日期: 2021-04-12 19:25:44
原文連結 [永久失效]:
https://hk.answers.yahoo.com/question/index?qid=20070503000051KK01400