當我見到Ｄ冒牌的手袋，只係幾百蚊一個，手工精美，真o既一樣咁，我真係好想好想買，但係，果ｄ係冒牌黎家嘛，我雖然睇唔出ｄ冒牌同真有乜野分別啫，但係，會唔會好似以前海關個電視廣告咁，身邊o既人都知道係假o既呢？我真係好驚俾人地笑我帶冒牌出街，好驚俾人笑呀……
用緊一個Gucci款o既袋係街度行果陣，拎個Gucci款o既銀包俾錢果陣，我都覺得ｄ人係度偷偷地咁係咁笑我……我真係好驚呀，好驚俾人地笑我，我真係唔知點算好……
之但係，冒牌貨做得咁真，ｄ素質又咁好，我諗應該無人會睇得出o卦，我都知道自己諗多左，我都知道自己係度鑽牛角尖，但係我真係Control唔到自己呢ｄ咁o既諗法，成日都好驚會俾人地笑……
其實，我係咪應該買冒牌貨呢？ 用幾百蚊o既冒牌貨，同用一萬幾千o既正貨，其他人睇唔睇到分別呀？ 拎住ｄ冒牌貨出街，會唔會俾人認得出架？會唔會俾人地踢爆架？ 我應該點做好呀？ 我真係好驚俾人地笑架……可唔可以俾ｄ意見我呀？唔該你丫～～～～～
以前，我都無呢種感覺架，我一直都唔覺得ＧＵＣＣＩ呀、ＬＶ呀、ＢＵＲＢＥＲＲＹ有乜野咁好，但係，由果件事開始，我就好驚俾人地笑我，唔知道會唔會同果件事有關呢？
註： 果件事係早幾個月，我老婆用我張信用卡，碌左成萬蚊，「送」左個ＧＵＣＣＩ袋同埋ＧＵＣＣＩ銀包俾我。自從果件事之後，我就日日帶住個正版的ＧＵＣＣＩ袋同銀包喇。自此，我就日日都驚俾人笑…… 我驚俾人地笑我戇居，幾成皮野買一Ｄ幾百蚊買到o既貨色。
我老婆話，真貨同假貨，用鼻一「聞」就分到佢係真皮定假皮啦。但係，又邊度會有人用鼻黎聞人地個袋呀？我老婆又話，真貨的車工「好好多」，你「痴埋去」睇真Ｄ就見到架喇。但係，又邊度會有人「痴埋去」睇真人地個袋呀？我老婆話，真貨「襟用」ｄ嘛。但係，我一直用開果ｄ「雜嘜貨」，用一兩年都仲好新淨呀，唔通真係用同一款袋用幾年咩？我老婆話，正貨保值嘛。但係，就算拎住件正貨出埋賣，好彩人地「七折」收購，都無左幾千蚊啦，咁都叫保值咩？ 無啦啦無左成萬野，買左一ｄ幾百蚊買到o既野，我真係覺得自己好低能、好白痴囉。點樣可以平衡返呢個心理呢？
To: 回答者 ：salmonglay回答時間：2007-05-03 12:40:25 檢舉 回答者 ：小東〞 回答時間：2007-05-03 12:50:33 咪係囉，有名牌又唔代表「叻」，又唔代表「有face」，無名牌又唔代表「低能」，咁我用左成萬野買左件真貨，咪即係好戇鳩囉。 點解我會咁戇鳩架？大拿拿用左成皮野做左ｄ咁戇鳩o既事，我真係覺得自己好低能、好白痴呀，點算好呀？ 可唔可以教下我呀？我應該點樣平衡返自己的心理呀？
噢... 撈... 噢賣桔... 我都冇話過 冇ＬＶ，ＧＵＣＣＩ 等於好冇用又低能 用名牌就有面子 用名牌的人好叻 點解而家d人的理解能力咁低架...
我覺得自己好低能、好無用，我好自卑，覺得自己戇鳩，係因為我去Causeway Bay Lee Garden，用左成皮野買左正牌o既ＧＵＣＣＩ袋同埋銀包呀。 本來，諗住自我安慰，話洗咁多錢，可以買個與眾不同，但係，「見到ｄ人個個都帶住ｄ名牌」，我覺得而家周街都見到人用ＬＶ同ＧＵＣＣＩ囉，「濫」到好似Bossini, Giodano, Balenoｄ衫咁，周街都係，周街都有，我都唔知為乜花咁多錢買個咁貴o既正貨返黎為乜？ 我話「見到ｄ人個個都帶住ｄ名牌」，我都無話過佢地帶住o既係正貨，我就唔信香港人咁有錢，咁多人用正貨喇！！
最令我唔開心o既，唔係用左成萬蚊買左件正牌呀，係用左成萬蚊買左ｄ周街都係o既款式呀。俾咁多錢，都係想要個與別不同o者，但係，周街都同人地撞左款，挑那媽丫。 其實，如果ＧＵＣＣＩ唔係周街都係老翻，搞到咁ＣＨＥＡＰ，咁大眾化，咁平民化，我都唔會咁唔開心囉。而且，我覺得ＧＵＣＣＩ Ｄ袋無乜ＤＥＳＩＧＮ囉，個個都係ＧＵＣＣＩ ＬＯＧＯ做主題，千篇一律，了無新意，翻炒又翻炒。 如果我買o既係ＹＳＬ或者ＤＵＮＨＩＬＬ，我一定唔會咁唔開心囉。起碼人地Ｄ ＤＥＳＩＧＮＥＲ仲未「江郎才盡」，人地Ｄ ＤＥＳＩＧＮ唔會「一脈相承」先啦。
