✔ 最佳答案
我不是開刀生bb,但我有朋友就係。佢話我知開刀生同順產生bb0係飲食
方面真係會好唔同。
一 ) 唔食得薑飯, 或食薑醋,雖然薑有祛風功效,但開刀生0既話食呢類食物
反而會令傷口埋口時會形成肉芽。
二 ) 湯水方面唔理開刀定順產,都會飲生魚湯,等傷口埋得快0的,如果你能
用暖水加少少幼鹽洗傷口的話,埋口會更快亦會埋得好。
三 ) 開刀或順產,都唔好食生冷0野,如飲水涷飲食雪涷0既生果都唔食得
四 ) 想去生產時所產生0既(風)可以煲果皮水飲。
五 ) 生果只可以食橙、蘋果、提子、香蕉、布lum等。榴槤,火龍果西瓜等呢
呢就唔好食。
六 生完bb後要等(惡露)狀似月經完全乾淨後才可正式進補,不然你食幾多都
會吸收唔到。
要進補可以食 雞精;淮山,杞子,元肉(龍眼肉乾)燉雞;當歸、煮雞酒(可加薑)
雞酒飲一兩次就夠。焗紅早水(唔好用煲方式煲,因為煲係燥熱)
七 生完bb後如不想餵人奶可以到藥房買淡豆豉回家煲水飲,可快速收奶,唔
便谷到個胸好痛。如要餵人奶就買大魚頭豆腐滾湯飲,可增加人奶量餵bb
八 日常飲食盡量清淡,因為生完bb會身體會好虛。但因惡露未清又不能即時
進補。所以基本食療係:
煲陳皮水飲->多食青菜->(如菠菜,菜心,西蘭花,瓜類除了節瓜正氣之外
其他瓜類都比較寒涼。)
水果別選燥熱類->多喝暖水(有修身作用)
肉類以白肉為主如雞肉,豬肉,魚肉(勿食牛肉,食療上牛肉比較毒)