急救---倉鼠

我覺得一定分開佢地,如果唔係,好易打死打傷晒.特別而家一隻傷左,較強一方好易會借機打死對方.

1)近眼地方整損好難用外傷藥,如果情況嚴重就最好去睇下醫生啦.如果盲左都唔會太影響生活,因為鼠鼠視力本身已經退化得好緊要,最怕佢自己又爪下,情況愈唻愈嚴重,細菌感染就好大件事了.
如果真係唔會睇醫生既,都可以搵下有冇隻"外傷素"買,加落水度俾鼠鼠飲既,不過係我好耐之前見過,唔知而家仲有冇,大約$55
睇醫生可以考慮下睇愛護動物協會,愛護動物協會資料.
愛護動物協會診所資料:
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

2.最好永遠分籠,原因如下:

1)倉鼠天生根本就係獨居動物,根本唔適合群居,就算兄弟姊妹,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既.
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢.
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,,唔好盡信,鼠店有鼠死左都唔會俾客人知呢.
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦.
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶.

希望你可以考慮一下一籠一隻鼠啦.

倉鼠一男一女可能會打架, 尢其當女仔有BB時，有必要分開牠們，　待傷好了，　再ＴＲＹ