有咩途徑可以去cool牙???

箍牙前要先找牙醫檢查, 之後佢會建議你去照個X光,
睇你牙根既情況, 再決定點樣去同你箍.
我可以講一下我箍牙既經驗你聽, 等你有個心理準備:
我係生左虎牙/爆牙所以先箍牙的.
照完X光後, 醫生發現我有兩隻半智慧齒未生出唻,
而另外一隻半生左出唻, 至於戈半隻係因為唔夠位,
生左少少又生唔到少少咁, 攪到成日發炎.
醫生建議箍牙前把4 隻智慧齒全部拔脫,
以免箍牙時會有咩影響.
另外加上虎加後, 上下各一對小犬齒, 共拔去8 隻牙.
所以.......
你箍牙前要有個心理準備就係, 未必如你所想拔2 隻或4 隻牙就攪掂.
而箍牙的長短, 視乎你自己D 牙齒移動的速度.
最少1.5-2 年, 我當時用左3 年.

政府好似無免費箍牙服務, 如果私人, 就視乎個醫生.
你要找相熟既人, 或有經驗的人介紹.
因為我戈個醫生麻麻地, 所以唔會介紹畀你...
而價錢大約係:
每拔1 隻智慧齒(需開刀的)$1,500 (澳門醫生價錢)
每拔1 隻普通牙齒(包括不需開刀的智慧齒$300 (澳門醫生價錢)
X 光約$200
箍牙的牙醫咨詢$500 (無論你箍唔箍, 都畀定$500 先)
箍牙的費用$22,000 (香港醫生價錢)

2007-05-04 03:04:37 補充：
去開你睇牙醫戈度問, 叫佢轉介.