同小朋友玩~

四歲其實都可以話識好多野架啦，不過如果小朋友係怕羞既，咁可以慢慢周佢玩，等佢熟左你先，好似同佢傾下最近期有咩卡通片？佢鐘意咩公仔？又可以用食物黎引誘佢等佢冇咁驚你先‧
如果係學英文既，可以用唔同既方法教佢既，例如好似同佢畫畫，當中教佢顏色、圖形、線條或者你一d動物、車、太陽呢d英文可以同佢講下，如果你英文夠好，咁最好係不停咁同佢講啦，開始既時候：how are you, 等佢答番你，如果佢唔識點答就教佢答，要佢講一次比你聽，不停咁重覆練習就會進步得好快架啦。
又可以同佢唱下d英文歌，等佢可以從唱歌學英文，咁小朋友先會學得開心之餘又學到野，幾好呀

一個4歲小朋友記性好好架,我自己同我幾個小朋友玩嘅時候會用英文同佢地講點做,開頭佢地都唔明架,咁我大女而家7歲,已經識好多英文,咁我講佢解釋,大家一齊玩好開心,玩玩下已經識聽好多英文,首先由身體部位開始,慢慢之後可以用食物,日常見到嘅野,我個仔而家都係4歲,佢每日都用英文講今日咩天氣架,今日係sunny day,Rainy day ,Cloudy day,不過係喺學校學嘅, 有時仲可以同佢唱歌,英文兒歌仲好,而中文我會由象形文字開始比佢地睇,由淺入深,好似山,口,手,耳,衣,選擇d同象形文字差唔多樣嘅字,佢地會深刻d架,希望可以幫到你啦。

女仔玩煮飯仔啦,不過最緊要買d有生果既喎,玩玩下可以拿住個蘋果教佢講apple....等等..又可以教佢數有幾多個蘋果學下數目.....玩緊果陣學野都快d嫁