緊急! 現在應該要上幾多支香呢? 非常緊急(希望有專業或有認識既帥兄)可幫到我

我唔係專業人士,只不過我也有安地主,大家分享吓,首先地主並唔係佛,而只係家神,如果你屋企有裝天神或灶君甚至其他大神,裝香既次序地主亦只是尾二,最尾係土地,地主係放五方五土財神,敬茶係五杯甚至連地五衣也是五條龍,我本人一向裝五支,我覺得重點並唔在於幾支香,而係安裝地主時位置是否正確,規矩是否做足,因為地主最先决條件係要在財位上,不過財位每年不同,最好當然向大門而又舒適嘅位置,每個家裡大小不一,最重要就地方囉!(但唔好近厠所見廁所),聽師傳講一入門口最右手邊嘅角位通常最好,紅磚底必需有五龍及銅錢(古錢更佳),香爐內要埋有玉器(加埋金粒仔更好)
只要做得足最重要有心每日奉上清香就可以啦!個個人講嘢唔同,吓吓改你都煩啦,多一支少一支有乜分別,又講個例子丫,有個宗教裝地主係要屋主放指甲同頭髮喺香爐裡面,各式各門太多啦,地主受得你d香自然保佑你啦,你老細出糧俾你,你都要做嘢架,老細對你好d尊重d你咪落力d囉,老細衰d刻薄d你都交行貨啦,一樣道理!
記住食飯之前裝香先呀!