你地懷咩心情去懷孕..我有矛盾

我依家18週丫,有左bb真係好多野諗...好多野煩..
因為我第一胎咩都唔識,又冇咩朋友有生bb經驗..
頭3個月又唔可以講比人知,返工都係自己就住就住...
都好大壓力ga....最好都係有屋企人同老公support 囉...
我最驚bb唔夠營養咋..我18週都係重得5磅....
腰痛我又未有丫...只係成日覺得好攰....訓極都係咁攰...
咁我就將自己ge生活節奏減慢d....之後想試下托腹帶(聽講好有效~)
好多之後會發生ge事...我都唔知...只可以得閒就睇多d資料,問多d人...
醫院d姑娘都有幫我ga.....醫院有d產前班...你有興趣去上下丫...好多野學...
其他野順其自然啦...^^..諗得太多唔好ga...笑多d,,bb出世都會成日笑笑口ga
有咩都要同老公講...一齊分擔..得自己一個諗呢樣諗果樣..好辛苦ga

我第一次懷孕是在家人不期許的情況下有的, 所以壓力很大, 但我仍堅持面對, 十個月後生了個女兒. 現在我已懷孕2個月, 我希望是個兒子, 所以心理壓力很大, 但我老公說仔或囡都無所謂. 我整天想很多事情, 所以晚上也經常做夢. 但有時我還是會安慰自己順其自然, 好好享受這段特別的日子.

而家你都23週啦~點解仲諗甘多??
我初初有左真係好多野諗,又好驚!驚生產過程,會好痛又要剪,驚到發惡夢幾次!
而家諗返起覺得自己好攪笑!雖然仍然好驚,但唔通因為驚唔生咩?!好快捱過!
我都曾經小產過,真係有陰影!所以頭三個月,我簡直好似自閉甘,日日係屋企!咩都小心!
有時天意黎既,係你就係你!自己盡力左咪得囉!
我頭2個月食得超勁肥左15磅,醫生同我講,好彩我本身瘦底,如果唔係要我減!
其實醫生唔講,我都知!!
所以我開始控制飲食~我只會中午食飯,下午茶想食咩就食咩,夜晚食米粉個d,夜d肚餓食三文治!
另外食醫生開既vitamins+魚油遠+奶/豆漿一柸,一日就係甘~
而家我d手腳同塊臉唔再好似之前甘恐怖,唔肥囉(當然肥過未有個時啦)
人地唔望我個肚都唔覺我有bb,但我個肚係正常大!已經見曬肚~
我而家5個月,一直都無介口既!鴨"蝦"雪糕"小冰既冷飲"食齊曬,最緊要咩都識可而止!
自己最緊要平心就ok喇~
聽下英文兒歌啦~我之前聽古典,真係好悶!而家轉左聽兒歌,真係好開心!
有時諗下第時教bb唱歌,幾攪笑!練定點唱都差唔多架喇~

懷孕應是開心，所以你不要想太多。其實懷孕係好小事，只要初期小心Ｄ就唔怕，日常慢條斯理地做嘢，懷着輕鬆的心情，唔好理自己係幾大，有很多大過你的人都係咁生，順其自然，平常心去睇呢件事，咁你自然會放鬆架啦！其實ｂｂ食人奶係可以幫到你收身架，（唔信你問吓謢士啦），到有七、八個月你可以多Ｄ散步，可以幫你ｂｂ容易出來架！希望幫到你啦！順祝你有個愉快的心情來迎接你肥肥白白嘅ｂｂ呀！

平常心， 不要太緊張， 一切如常， 只是稍稍謹慎 ！
沒怎樣戒食， 怕營養不足， 想學學老外的作風 …
我也曾有小產跡象， 服了醫生的處方後， 首天已安全無恙 …
我中午只吃麵食， 所以增磅不多 ( 但不要學我 ) …
整個懷孕過程， 腰不痛、 腿不酸、 不饞嘴、 很怪 …
至於開刀， 那是我的冀望 ( 嬰兒安全點 )， 後來因產不出， 官方醫生臨時決定操刀， 圓了我的心願 …
坐月 ？ 沒吃什麼傳統補品， 只忙著照顧初生嬰兒及料理家務， 不用刻意修身也瘦了 …
人奶嘛 ！ 上班前已大半是奶粉， 少量是人乳 …
我生產時已年屆 31 ~~