有冇方法令我開心d?

我覺得自信好緊要…
一個人冇自信既時候，好多野都會做得唔係咁好…
自信係自己俾自己…
首先邊方面對自己冇自信既，就邊方面改…

例如：

我個樣唔靚既，唔通整容咩！？但我可以執下，化下妝… 可能我唔鍾ｅ化妝咁浮誇，咁咪化少少囉… 唔化都唔緊要丫，總之個樣俾人睇落去ｏｋ既，咁咪得囉…

衣著… 執得個樣… 自然會執埋衣著…得閒幫自己襯下自己岩著ｄ咩衫… 咩衫著落去自己會好睇ｄ呢！？

再之後既… 諗深一曾… ｅ唔得ｗｏｒ！我肥丫，著咩都顯得唔係咁好睇… 咁我咪減囉… 當自己好有恆心咁減到好瘦好瘦之後… 自己就會開始對自己慢慢從拾番自信心架喇… 再加埋執下個樣丫，衣著丫，髮型丫．．．等等，咁就ｐｅｒｆｅｃｔ晒喇！

你都識講啦…
人地把口生向人地度，人地鍾ｅ講乜就講乜…
所以呢，你理得人點諗！？
對嗎！？
你話我肥，話我乜，點都好啦…
我聽完係嬲…
點解自己嬲先！？
係因為人地咁話自己！？
定一話連自己都係覺得自己好似人地所講到既咁！？
如果自己唔介意自己係點既，咁點解人地話自己果陣自己又咁介意呢！？
可能你會覺得，我一直都冇介意我自己係點，係我好介意人地咁話自己…
你諗深一曾…
自己真係唔介意自己咁咩！？
如果真係唔介意既…
人地點講自己都冇唔開心架ｗｏｒ…
仲可以挺起胸堂咁走出黎話：我係肥！但我開心ｗｏｒ！你覺得我肥得唔好睇！？但我覺得自己好睇ｗｏｒ…

最緊要自己開心咪得囉…
唔需要理人咁多嘛…
你要明白呢個世界，有人既地方一定有是非…
就算係一個好靚好靚既ｍｏｄｅｌ，都可以俾人話到佢有幾醜幾核突…
咁個ｍｏｄｅｌ自己本身咪嬲到飛起！？
錯…
我相信佢嬲得一次，兩次，三次之後就唔會再嬲…
因為人地日日都咁講我架啦…
咁唔通我日日都唔開心！？
日日係咁我咪好唔得閒！？
佢地係邊個呀！？
真係咁值得我花時間去為佢地唔開心咩！？
就算係一個鍾，一分鍾，一杪鍾既唔開心都好．．．一ｄ都唔值！

開心係咩呀！？
係睇自己本身點諗野…
凡事向好果方面諗，個人自然會開心…
咩都諗唔好既，咩都介懷既，咁個人咪成日唔開心囉！？

點解有ｄ人睇落去一ｄ都唔靚，身材一ｄ都唔好，基本上可以用核突黎形容佢架喇…
點解呢ｄ人仲可以照樣同人講：我今日靚唔靚呀！？我身材係咪好左！？我覺得我今日靚左呀！你地覺得呢！？
點解呢ｄ人講得出ｄ咁既野！？
因為佢地有自信…
佢覺得你地覺得我唔好既地方，我覺得我自己好…
你話我咩咩咩！？
聽完咪算囉…
但我每日都過得快樂…
我日日都過得開心！
我理得你講我咩丫！？

你明白嗎！？
我所講既野唔係為分或者為ｄ咩，亦都唔係吹水…
只不過我想你知道…
自信係自己俾自己…
當自己有自信既時候，人地點講自己係人地既事…
當自己冇自信既時後，人地點講自己，自己就會介意…
今時今日既自己仲係好介意人地點講，覺得好唔開心既…
你就同自己講：我要有自信！我要做好自己！
當自己都好介意自己既時候，就要話俾自己聽：我係得既！

希望幫到你啦…
雖然我真係好似打得長左ｄ…
但我同你講丫…
好耐之前既我都曾經係一個好肥既人…
我用左兩個月時間減到自己好瘦…
果陣小學咋，都有成三十幾寸腰有多添呀（我諗… 總之係三字頭啦…）
個個都話我：肥豬！你真係好肥呀！
仲有人向紀念冊入面話：祝你早日變瘦！
當時既我冇嬲…
咁我真係肥嘛…
結果兩個月後既我，變到得番廿三寸腰…（我好記得！哈！）
ｄ朋友見到我都嚇親，有ｄ仲唔認得我…
今時今日既我係點呀！？
仲俾人話肥咩！？
雖然ｅ＋我真係肥左少少，但起碼我冇俾人話我肥，我仲拍過好幾次拖添…
所以我得你都得啦…
話唔定你瘦左之後勁靚女…
靚到ｄ人個個都唔敢再話你咩，個個都叫你做靚女呢…
哈哈…係咪先！？
你要加油呀！
我支持你架！

Ｐ.Ｓ：

仲有…
真心減肥既，做運動就自然減到…
唔需要去ｄ咩纖體公司，食減肥藥．．．等等…

信我啦！
我都希望我真係幫到你！

不要灰心 其實肥肥地係一件好事
如果妳覺得自己太肥o既 可以試下做運動丫
仲有 我諗妳真係唔係差
唔通瘦到好似厭食症咁就叫好呢咩
同我傾下計la
我就中意同d 肥妹傾喇
add 我msn 丫 [email protected]
我諗我地會arm 傾

最簡單就是接受,要是妳可以說服自己接受的話,那就什麼都不需要做也可以很開心,
當然地,妳現在就是不能接受,所以唔開心,但妳想想,如果妳的人生'人格'外表都會有人笑妳,
那妳是不是要為了不再給別人笑而帶上一個唔係真實的妳的面具呢?
我也是一個很討人厭的人, 給別人笑 ' 身邊也沒有朋友 ' 給人家當傻仔...
我而經帶上了不是真實的我的面具很久了,那麼多年來也是很痛苦的,是很想死的感覺,
所以,請妳用自己最大的力量來接受一切吧.要不是就會變成更唔開心,想死也死不得的了...

邊一方面令你失去信心就響果方面重拾信心! 如果瘦d可以改變你既遭遇就一於減肥啦!
我最肥果陣有126磅, 由於我屬於矮果類型既人, 加上遺傳既baby face. 所以永遠俾人覺得我係果種重量級既女仔.
我知道俾人串自己既缺點係好難受, 我都曾經俾人串過. 不單只串,簡直就係傷害.
我同我之前既男朋友分手, 中間係好複雜, 但係肯定既係佢對我唔住.佢有次黎煩我,我就打電話俾佢媽媽傾訴. 收線唔夠一分鐘我既電話響,原來伯母唔小心按左個制打左電話俾我,但係佢唔知道. 響果9分鐘內邊我徹底地崩潰, 佢唔似鬧緊仔似鬧緊我多d.
佢話:"Third有咩好?人唔靚,越黎越肥, 又唔叻,學歷低而且做緊餐館.我地呢度起碼都有間屋啦,佢地就咩都無又窮.加上我地係香港人,佢係馬拉人,完全溝通唔到.完全唔值得留戀,點解仲煩住人?唔好浪費時間響佢身上."
之後我非常之努力減肥同改變自己, 我由分手果陣既124磅減到96磅,一共係28磅. 如果你想睇下我既分別我可以send相俾你睇. 2架聽到d人話Third你瘦左好多靚左好多,我心內邊係好有成功感架...真係用錢都買唔到既開心.btw, 我一d都唔靚.=p 我雖然一個星期返6日工,好似無私人時間,但係我係有目標, 我正在存錢,正在打算開一間屬於自己既小店.雖然目前既存款仲爭好多但係我有目標,我有信心,都係另類既開心同滿足.
點講呢? 開唔開心唔係身邊既人俾你,係你自己本身容唔容許自己開心. 就正如, 減肥,身邊既人就算想幫你減但係你自己無決心,點減? 係咪?
最後一句:"健康減肥最重要,切勿濫用藥物和強迫自己絕食"

唔洗講野,不如減肥.
既然你會受人影響...只有咁先可以改變其他人...
一係努力讀書,培養自已o係學校勁ge野,d八公八婆先唔敢講野.
搵日同我出街,我要睇下d人把口點解咁賤.
唔好理d X街,令自已唔開心ge人要o係你心中消失.
比人話又點,把口生o係人地度,最緊要你自已唔好咁諗!
我MSN: [email protected]

2007-05-03 18:30:12 補充：
Third 同mandy就講得好arm喇

2007-05-03 18:32:38 補充：
一於一邊讀書一邊減肥啦,到時有外表又有內涵