孔雀魚魚虹大掃除!!!!!!!!!

多屎既問題取決於食物量方面,孔雀一日兩餐已經好夠!!一餐以5-10分鐘內食哂為準~如果食唔哂,要用虹吸管(即係頭頂有膠波個種吸管)吸走多餘既食物同屎!!
所以check完魚缸有冇漏水之後,平日都係好似上面咁講去做就得架啦~
建議你檢查漏水方法,你響所有接合位置貼上兩層乾報紙~因為報紙只要一有水就會即時比你見到.佢吸水力好好架~咁就可以大約知道咩地方漏水!
但如果check唔到,可能係水份天然蒸發~我近日個細缸一尺半左右,24小時之後會小左1吋幾水,大缸就冇咁勁.....不過都小左水架!所以我估你個缸都有可能係咁囉~不過小心為上~
如果真係漏水~建議你要用魚缸尊用玻璃膠做修補,因為有害物冇咁多!!玻璃膠乾透之後,最好用濃鹽水清洗及浸缸2日,之後再用水洗多次,咁會比較保障~之後又要從新養水,今次最好養水一個半星期先好再放魚入缸~如果擔心有事,可以買魚試水2-4日,冇問題先好放孔雀魚入缸!!

2007-05-03 22:39:20 補充：
你問: 星星,我想問咁我將d孔雀魚放係個盤先,有氣汞,但冇過瀘,暖管(水用返之前的) 放係度24小時得唔得? 我答~~用舊水當然冇問題啦~,而且係最好既方法~~不過之後要小心水質, 因為冇過濾器,所以有屎同食唔哂既食物都要用吸管吸走,3日左右要換1/5水~因為今次唔係原缸冇過濾,所以換1/5-1/4缸水就差唔多架啦~直至舊缸養好水,之後將d魚再做一次對水對溫先可以放返入原缸~

2007-05-03 22:39:30 補充：
如果你太擔心冇咁快可以攪掂個魚缸既話,你可以去買個水妖,將佢接駁氣喉就可以做到過濾效果~不過用前要清洗一兩次,之後加硝化細菌~咁就可以支持一段比較長既時間架啦~而水妖係氣動式過濾器,以氣流帶動水流過水妖下方既過濾棉,之後響上方排出有氣既水~如有唔明,可以再作指教~~^^

(1) 我個缸底好多屎
我想清左佢,可唔可以將d孔雀魚放係個盤先,有氣汞,但冇過瀘,暖管(水用返之前的)
放係度24小時得唔得?
ans: 可以, 但要用回本身魚缸水, 因水喉水有氯氣, 會死魚.

(2) 因為我想清左d屎之後,再想用玻璃膠修補我的魚虹(玻璃膠24小時先乾固)
因為唔知點解換水時會大量溜水,so要check一check
以上有冇問題
ans: 冇問題, 但是用玻璃膠修補魚缸後, 要等玻璃膠24小時先乾固外, 還要放水在魚缸兩天, 等魚缸內玻璃膠的化學物質分解後, 養水三天或加一幾滴除氯氣藥水等兩小時就ok.

最好唔好咁做,廢事反缸,宜家有一種可以吸魚缸廢物既泵,魚街有得賣,都係賣幾十蚊

2007-05-02 19:38:06 補充：
如果缸有水,你都係張魚放唒去第2個缸度,用之前既水喎,咁先開始用玻璃膠搞個缸