公屋買唔買得過？比Ｄ意見啦！謝謝！

你買居屋、公屋或私人樓，都有機會同全部老人家做鄰居。

今時今日買樓再唔係保值工具，反而得個「煩」字，試想，如果你買左層居屋也好、公屋也好，遇著個隔離鄰舍唔生性，終日家嘈屋閉，又或者成日打麻雀，又或者你樓上個細佬成日係屋企打籃球、個大人鍾意無端端鑽牆鑿地，再唔好彩住正隔離兇宅，點算 ?

買樓為乜 ? 有個安樂窩 ? 有錢的話，邊度都係安樂窩，租樓住，遇到上述問題，話搬就搬，又唔使理折舊。

真係有錢剩既話，買下d穩陣股票，收下股息去下遊埠好過啦。

今日既匯豐長實股，比九七高峰期還要高，睇番d樓價，除非係豪宅，否則，打和都偷笑。

有錢，真係唔好買樓。

ps:我估講你聽你都唔0岩聽架喇 :)

本人覺得如果有經濟能力的話, 考慮買居屋好
由今年至09年期間開始陸續推出居屋出售
你係公屋業主可以用綠表買,價錢一定平d
用買公屋d錢做首期, 再慢慢公
如果買公屋, 政府一定俾d一人細單位你

公屋和居屋我都住過,我覺得如果要買就最好買居屋(經濟許可的話),因為公屋d人會決德d,
人人唸住間屋唔係自己,就唔會錫住用,包括周圍環境.雖然有好多都係由公屋搬到居屋的人,
但是耍自己錢買,就會唔同晒,即時會'企理' d,大家會住得好d嗎.而且居屋5年後便可自由買賣,而公屋就唔得.所以買居屋係好d.