破產令解除後是否永遠都不能申請銀行上會(如買樓,買車..)或申請信用咭?

根據香港法例, 破產人在後其破產令解除後, 其信用已回復正常. 任何人或機構都不可對其作出歧視. 但現實中, 超過98%的銀行, 財務公司同信用卡公司都會以"商業理由"或"唔想做你生意"為理由而拒絕借錢俾你. 因為係商業決定, 政府亦吹佢唔漲. 講真, 咁多人申請信用卡 / 借錢, 佢無必要做個"花底" (即bad credit)嘅客. 做少一個, 唔會生意跌, 係唔係?

但亦有小型但正當的財務公司會借俾你. 息口當然會高啦!風險高就回報亦高嘛.

有銀行會做d無收入人仕的信用卡生意, 只要你肯放筆錢係銀行做定期, 再用筆錢黎擔保你張信用卡, 咁你就有機會申請到信用卡.
當你破產, 你的個人資料及破產詳情等將被紀錄於大部份的信貸資料公司的資料庫內. 某些銀行或財務機構會考慮破產人完成破產情序後再和他做生產. 可是, 解除破產是不會自動在信貸資料公司的資料庫內update的. 你只可在解除破產令後以書面形式要求告你破產的人或機構, 在你解除破產令後, 將你解除破產資料於信貸資料公司的資料庫內作出update (如果你是自已申請破產, 你便需要自已去信信貸資料公司, 要求他們update你的狀況). 但大部份人/機構都只會得閒先做, 甚至陽奉陰違. 但你亦可選擇將解除破產令刊登在一份本地報章及/或憲報上,其實際作用是公告天下, 你已經解除破產, 回復自由身啦.刊登的做法實際上並非法律所規定的必須措施.如你將解除破產令刊登在憲報上, 所有信貸資料公司的資料庫都會自動作出update, 省卻你不少時間/麻煩.

破產令解除後,可以上會及申請信用咭.
辦法有二
1.去正面信貸資料庫洗底(要求update破產令已解除)
但申請銀行上會或信用咭時最好去自己冇欠過錢的銀行(雖然正面信貸資料庫已洗底,但法律上銀行可保留客戶之資料六年,有d銀行仲靜雞雞永久保留.當拒絕客戶時,求其作個理由)
2.大額定期存款