我想問關於我ge案件同埋小額錢債審裁處ge事

我想係小額錢債審裁處告一間上左市ge有限公司。事源係佢地ge區域經理應承左退全部錢俾我，但係而家只肯退一半，而我想拎返哂 d錢，我有錄音帶及物証，涉及金額係四萬九千幾，我想知：

1. 如果個間公司俾返 D錢我，我仲可能要俾利息銀行，我可唔可以要求間公司俾埋 d利息（唔知利息有幾多，但係如果俾埋就可能唔止四萬）？咁仲算唔算係小額錢債審裁處審理範圍？

2. 錄音帶及物証我都有了，如果被告聲稱搜集物証要半年（但係其實唔洗），有無辦法解決佢地呢種拖延政策？

3. 我知道小額錢債審裁處排期兩個月，但係，唔計搜集物証，大約要幾耐先可以審完單案？會唔會拖足一年？咩情況下會咁拖？

4. 我有朋友話驚間公司申請破產唔俾錢，仲改名再開過黎呃人，上左市應該唔會咁做ga可？

5. 要知道個間公司名同地址，要去政府公司註冊處申請《註册辦事處座落地點通知書》，洗唔洗錢？要幾多錢？

6. 我有朋友又話呢 d大公司請定一班法律顧問 / 律師坐係度等打官司，咁我勝算咪好低？小額錢債審裁處唔係唔俾原告同被告搵法律顧問 / 律師咨詢同埋出庭ga咩？