養狗仔...難題

我隻狗狗依家4個月大,初初帶佢返屋企時得2個月,因為細個所以要困籠,依家已經冇再困籠了,佢之前困籠係因為佢未打齊針,驚佢成日舔地下醫生建議困籠既,但我覺得一日困佢成十幾個鐘會好慘,所以就算未打齊針我都唔困籠,我用佢個籠放响我房門口(個房門口重有空位俾佢出入房同客廳),然後加個圍欄圍住個籠同客廳小小地方俾佢活動,同時放佢專用既厠所入房度,咁佢就會自己識得去厠所,咁佢既活動空間大咗,我覺得佢開心好多,而且亦解決咗佢吠既問題(佢困籠時大門外一有人佢就吠),我建議你依家可以好似我咁,用個圍欄圍住佢响指定地方,一來唔驚佢四圍舔,二來佢唔使成日困响個籠入面咁慘, 最好你幫佢預備一個厠所,同時要訓練佢去個新厠所,因為個籠係瞓教既地方,長時間做厠所唔係咁好,如果你另外有一個厠所俾佢,佢應該好快就唔會响籠入面尿尿同便便.就算間中失手,都因為圍住既地方有限,要清潔番都做少好多功夫.但我想問你哋日頭冇人响屋企,狗狗咁細個每日要食3-4餐咁点解決?我隻狗狗之前困籠嗰陣我就好辛苦咁中午趕返屋企餵佢,但唔困籠之後就買咗個自動餵食器餵佢(之前因為個餵食器好大個放唔都入個籠所以冇買),千忻唔好因為冇時間就餵少一餐,如果唔係第日佢身体會冇咁好,病痛都多啲,到時盞累到佢同你都辛苦架.重有你可以預備定一些放到零食既玩具,咁你哋出門口前俾佢玩,等佢有啲細藝就唔會悶啦,但記住你哋返到嚟就收番個玩具喎,因為佢日夜都玩就冇晒新鮮感架啦.

我的狗狗在我們不在家時都會將她關在一個廁所內，因為始終她們有時會有百厭的時候，但就不要困在籠內，這樣牠會很不高興，因我都試過。如沒有一個廁所給牠的話，也可買一個圍欄。你試一下，這樣牠也會很有規距呢，以後也會好教育一些。

其實狗仔要由朝到晚困係籠入面真係好慘，個籠空間咁少，除左瞓覺、飲水、痾大小二便呢d野之外根本冇其他野可以做，再唔係就咬下個籠d鐵線。如果狗仔已習慣定位大小二便就可以唔需要困籠，等佢可以周屋走，俾多d機會佢了解屋企入面既事物。最好亦同時要為佢準備多些玩具、咬骨等東西，等佢可以係冇人時有野打發時間直至你們放工放學回家為止。可買些益智的玩具，可收藏小食入內令狗仔更有興趣玩，如狗仔有破壞傢俱的行為，咁就將佢困回籠內一段短時間以示懲戒，等佢知道唔容許在家中冇人時搞破壞，漸漸狗仔會習慣主人唔係度時都要乖，可參考以下的網頁:
http://www.pet28.com/profile.asp?id=15444
http://www.pet28.com/profile.asp?id=5839
http://www.pet28.com/profile.asp?id=2767
http://www.pet28.com/profile.asp?id=15761
http://www.pet28.com/profile.asp?id=2787

我提議你可以買個鐵欄，劃定一個範圍俾狗狗走動。我隻史納莎依家就嚟6個月大。我返工時就困佢喺欄內。欄內放有佢以前用嚟瞓嘅籠(現在當厠所)，同埋一張狗仔床。你再俾啲玩具佢消磨一下時間，佢就唔悶架喇...

希望幫到你啦..

你可以買啲玩具比隻狗狗自己玩囉，但個籠空間咁細都玩唔度啲乜啦！其實你可以試吓困隻狗狗去廁所(記往一定要蓋埋個座廁板)吖，至少活動空間一定大個個籠嘛！我以前如果屋企冇人嘅時侯，我都唔會困住隻狗狗，有得佢通屋走囉！此終養狗狗一定要比多啲空間佢先至得，同埋瞓覺唔好困住佢，好慘嫁！

我屋企都養左隻白威...平時我屋企都無人...佢就會訓覺or玩下d公仔...加上..下午12點開始佢就鍾意訓...訓到5點幾先開始鍾意玩....
但係我地唔會困實佢...因為佢會好唔開心...同埋....個籠既範圍有限...所以令佢地得好少活動空間...所以我地會俾佢周屋走...而佢又會走去佢個廁所到大小便....
加上..你可以教佢去廁所..咁未唔會令屋企咁唔污穢.....