波子魚bb-urgent

恭喜哂~有新生命出生啵~
首先你d波子生完有冇響頭3日換水?因為生產時魚母會有羊水流到水中,羊水好易令水質變差,d魚會好易病,所以要響頭3日換1/3至1/4缸水,同時加小小粗鹽殺菌!
另外d魚bb分隔左出黎之後要比小小氣佢地~但唔好太大氣,因為好易比大水流撞傷or撞死佢地架~
而食物方面可以響市面買到豐年蝦幼體,好好營養架~bb一定食到,又唔怕攪到d水污濁!
又可以比成魚用既乾糧,磨成粉狀,dbb都會食,不過水質比較易變差,要常換水,最後係好小人
仲有市面都有bb食用粉糧,同上面個點差唔多,
最後一種方法比較小人用,就係用熟雞蛋黃,用布壓出蛋黃粉比bb食,不過水質好快會變差,但營養好好~
咁要自己選擇用法啦~不過建議新手用bb粉糧會方便d,一日3-4餐,每次比小小糧就可以了,見到多屎同食唔哂既食物都要盡快吸走,同時再配合換水,等bb大到個半月左右可以用一般魚糧~什至放佢地到大缸都冇問題~
唔明再問啦~

2007-05-02 23:34:17 補充：
用細石冇乜所謂,不過要留意石質本身係酸性定鹼性,仲有就係換水時會比較麻煩,食唔哂既食物仲有機會卡響石底!所以唔比會好小小~反而放小小水草比佢地仲好~另外一個氣泵都可以分叉多2-3個氣喉,只要去買3叉接駁就可以加多條氣喉比bb缸用架啦,不過要注意一個氣泵力量係有上限!!所以唔好分叉太多支喉!!