高考英文oral流程and秘訣

流程:
1) 起准考證時間或之前到達試場, 之後去waiting room向當值人員出示你既准考證.
2) 當值人員會稍後叫你考生編號, 你過去拎貼紙同兩張評分紙. 如果評分紙資料有錯, 要立即通知當值人員.
3) 之後會有preparation room既當值人員叫你去另一間房準備, 你要根據當值人員既指示坐.
4) 所有人坐好之後, 當值人員會講規則, 之後會派問題同埋一張細卡紙(size: 1/4張A4紙.). 你會有10分鐘去準備Part 1.
5) 10分鐘後, 當值人員會叫部分人去應試室.
6) 英文Oral以四人一組, 所講既主題一樣. 當所有人坐好同交好評分紙後, 主考官會要求四位考生輪流講2分鐘. 你唔係只係同兩位主考官講, 其餘3位考生亦都會聽你講, 所以要對其他人亦有眼神接觸.
7) 所有人完成part 1後, 你會有2分鐘時間去準備小組討論. 之後你地會有10分鐘討論, 而主題同你地四位講既野有關, 所以part 1要留心聽人地講野.
8) 討論完畢後就可以依指示離開試場.
個人建議:
1) 卡紙上唔好寫晒你成篇文上去或full sentence, 寫你認為最重要既point. 因為marker可能會收你張卡紙去睇.
2) Part A既短講主要概括下文章內容, 如果有少少個人意見都可以講, 但唔好太多.