關於兩個月大倉鼠..

初初買兩隻鼠返唻,應該俾d時間佢地,唔應該咁快急住同佢地玩既.就算你唔介意俾佢地咬,都會嚇親佢地,嚇親都會易病架.

初初買返唻你可以試下以下既做法.
1) 你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
2)等到你地熟d,好易會做到你一行過佢就行埋唻or冇咁驚你
3)之後你可以試下伸隻手入籠隻俾野佢食,再熟d再試下掂佢抱佢啦
4)到佢地唔抗拒你,先成日同佢玩啦.

鼠鼠咬人既原因多數有以下幾個可能:
1)鼠鼠咬人多數因為驚,鼠鼠保護自己只係得牙同爪,所以驚起上唻就會用牙同爪去對抗外來者.所以有時就算同鼠鼠熟左,細小既鼠鼠為左保護自己,都可能會咬人,但只要俾d時間同耐性去改善,一定會好好多.俾鼠鼠咬到之後記得消下毒,貼張膠布.
鼠鼠咁細隻,其實驚人我覺得好正常,好似如果有隻動物大你咁多倍,一手就拎起晒你整個身體,我諗都會幾驚.所以慢慢唻,俾d耐性同時間啦!既然佢驚你你就唔好太強迫佢俾你摸or抱之類住啦.
2)鼠鼠唔舒服既時候,可能你輕輕一抱就令佢感到唔舒服,又或精神上都會特別敏感,因為自己弱左就更要保護自己.
仔細檢查鼠鼠既身體有冇異常,檢查下鼠鼠既排泄物,同埋個籠會唔會有野整親鼠鼠.
3)有第隻鼠一齊住既話,都會易咬人.兩隻或以上既鼠一齊住既話,其實好易會打交, 打交係因為倉鼠本身就係獨居動物,根本唔適合同其他鼠一齊住既.佢地既地盆意識好強,到發情既時候先會一齊,我睇書講過,外國既倉鼠繁殖場,都係一隻籠一隻鼠,再到交配既時候先放埋一齊一段好短既時間.
成日都keep住要抵抗敵人既情緒,即係較神經質,咁就好易動不動都想咬人.
4)太餓,唔夠野食就會亂咁咬,搵野食.
5)你手有食物既氣味,鼠鼠有機會會誤以為係食物而咬落去.
4)懷孕既鼠都會特別精神緊張,從而成日咬人.

另外,有d野想提醒一下你,你而家一男一女咁養,好易會繁殖得好快,希望你考慮一下唔好繁殖鼠鼠,原因如下:
1) 鼠鼠天生根本就係獨居動物,根本唔適合群居,就算兄弟姊妹,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既.
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢.
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,唔好盡信,鼠店有鼠死左都唔會俾客人知呢.
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦.
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶.

我有一隻女倉鼠(養了一year),還咬我,所以培養感情也沒用

你可以同佢地玩~但係唔好再比d手指佢咬~~如果佢咬你,你就要話佢~

2007-05-05 01:07:24 補充：
係喎...一男一女..好易會生架佢地..最好分開佢地養,如果唔係我驚你會後悔..因為佢地一齊就算得10分鐘,都好大機會出事..