我好鍾意寵物，但又驚佢地會死,,,,點好?

如果係我我應該會再養

雖然佢o地離開係好難過
但係只要你對佢o地好
佢o地生活又開心o既話
就算佢o地死o左之後你係好傷心
但你知道...
佢o地其實一d都唔難過
因為有你疼錫佢o地...
而你心愛o既寵物有幸福o既一生

所以你應該再養
令到多一隻兔仔過得開心同幸福~~

唔好咁自私淨係諗住自己唔開心
你都要諗下佢o地同你一齊o既快樂時光

我建議你唔好養兔仔，因為佢地好短命。假使你驚佢地會死，咁你養龜。我之前都覺得龜好悶，但係見到一隻星龜之後，我竟然會花1500係佢同d配件到，我自己都有少少愕然。但係我發現原來我地都要花心機係佢地道，但係都係一句:動物都有生命，所以你一定要面對。

我隻兔兔剛剛在四月中生病離開了 ,雖然過了兩星期 ,但是到現在我仍然很傷痛 ,剛剛離開的這幾天 ,我不停地喊 ,喊到兩隻眼都腫哂 ,個樣好肉酸 ,連鬥口都唔想出 ,傷心到好似世界沒日咁 ,終於到今日 ,我傷痛完了 ,我知道我是不可以這樣的 ,因為兔兔都唔想看到我唔開心 ,現在我只會懷念和她一起開心的日子 ,忘記傷痛 .寵物一定會離開我們的 ,因為它們的壽命比我們短 ,但是只要有愛心和愛護它們 ,相處的時間是開心和珍惜的就OK啦! 我一星期前買了一隻小兔回來 ,個樣好似以前嗰隻咁 ,有九成似 ,希望她可以健康地成長!你都可以再養寵物㗎!

我都好驚寵物會死,每次隻寵物死既時候,都會驚到唔敢再養,但過一排又會因為太鍾意而養返.

我諗養唔養好要睇你覺得有幾難面對啦,覺得難以再承受既話,就唔好養啦,就算過一排冇事,買之前都要諗返自己接唔接受到再有寵物死先好再養.

寵物會帶俾人好多歡樂,而你都可以俾到你既寵物一個好好既生活,你養既時候唔會不負責任,就已經對隻寵物好好啦.每樣動物都有生命終結既一日,盡力又考慮晒各樣問題之後,就算寵物死左都唔好難過太耐啦.

唔好講寵物啦, 身邊既人都會死啦...
我之前有養貓呀都, 之後佢個腎有事就過左身
過身之前足足係醫院住左成個禮拜 而且佢已經好老
所以我地成家都有晒心理準備了
到宜家都冇再養
不過我又覺得你有心想養咪養囉 就算係掛住隻狗仔都可以養者
只要你係一個好主人我就覺得好夠
而且你都唔會因為太掛住隻狗而唔想理d兔仔啦 兩樣野黎架ma
但係如果你唔想再經過呢d生離死別 暫時就唔適宜再養寵物了