獨立是什麼?

獨立即係唔依賴
獨立即係有自己去處事的能力
唔一定要成件事自己親自去完成,但要懂得怎樣去分配工作給適當既人替你完成事情,分配時間去令件事變得有效率
當然要訓練獨立
最初步就要嘗試什麼都由自己去完成
因為只有這樣,才會體會得最多,感受得最多,用第一身既身份去學習事情
從失敗中上一課,從成功中吸取經驗
一個依賴既人係無膽量的
無膽去試,驚失敗,只係會不斷思考身邊有咩人可以依靠,幫倒自己
如果真係每次都有一個人幫左佢
那麼佢永遠都唔會嘗試自己去做
追女仔要人幫,找工人要人幫,起床要人叫.....
這種人好鐘意推卸責任
因為習慣有人幫,就會覺得別人係應該要幫佢的
件事做得唔好,佢會賴人
遲起身會賴人無叫佢
依賴既人好怕孤獨
因為已經習慣身邊總有一些人
當一個人因獨立而經歷多左
就可以不再什麼都要自已親身去做
佢會識得安排事情,令事情辦妥
依賴既人係不懂安排事情的

獨立係需要訓練的
試想想一個人身處在一個有好多人錫有好多人幫既環境裡
我係佢我都會選擇依賴人
舒舒服服有人幫幾好
相反當一個人身處荒島
逼於無奈就會變得強起來
否則只有生存唔倒
這時要生存就什麼都要去安排
安排自己一日三餐
到處找食物
找方法儲好食物
思考下用咩方法吸引其他人既注意來救自己
預備方法去抵抗猛獸.............等等
這些都是獨立既表現
獨立正是懂得安排
要安排得好,就要有經驗
要有經驗,就要由親力親為做起


初中生可以外出食飯,本人認為真的可以訓練獨立
不過只係其中一種方法
外出食飯既學生就會獨立嗎?不會
因為不是那麼簡單

外出食飯要用錢
可能就要學去安排去邊度食野,食幾貴
點樣可以食倒想食既野
但又唔會用多左錢而令明天後天唔夠錢用
點樣可以食得健康,揀咩食唔會肥
相反如果係家人預備午餐或者校方預備
就什麼都不要諗了
家人煑咩就食咩,校方既就永遠都係十幾蚊
根本無咩好思考
而且外出食飯一定會接觸多d人
接觸倒多d事
經驗都係從接觸得多而得到的
家長怕仔女出去食飯會有危險會學壞
多餘的
越係保護越係令仔女接觸唔倒這個世界
其實只有適當既指導和耐心既教導
根本不需要怕這怕那
講真要學壞的,即使你唔比佢地出街,仔女也可以學壞的
最怕家長不能跟仔女一世,看少眼既時候
他們便會因為一向太受保護而沒有處理事情既能力

最緊要有溝通
耐心地指導
即使他們在污泥裡也可以不染的

沒錯,獨立是指凡事都自己解決,親力親為,5依賴。