✔ 最佳答案
1)cream cheese預先放室溫30mins,如果天氣熱,咁15mins都夠,把cream cheese切粒,2cm x 2cm都可以,加糖搞一陣,初時會有d難搞的,之後座在熱水內搞,咁會快d搞溶的.其實我唔建議d食物由雪柜取出放室溫太耐,咁會容易有細菌的,如果d食物座熱水黎搞係唔會影響到食物的狀態(如果係egg就未必可以咁做),我多數會座熱水,加速佢快d做到,又唔洗放室溫太耐,我次次都係咁做,d cream cheese mix sugar之後會打到好滑的
2)溶"真"朱古力出現白點,係溶的溫度出錯,令可可油再度凝固之後還原唔到本來的狀態,所以出現你所講的白點,但白點在2-3日後先會出現,如果係即做即食,咁都唔會有白點的.
溶朱古力係一間學問,一定要用溫度計.
先把黑朱古力放金屬器皿內,用60度的熱水坐溶朱古力,期間要間中搞拌,之後把器皿座入冷水中,把朱古力降溫至26度,之後把朱古力座回暖水中,朱古力升至29度(不能高於32度,否則要重做),咁先可以把朱古力倒模
用以上的情況,就可以保持到朱古力還原正常的狀態