魚bb &魚死kei問題~~

✔ 最佳答案

你既問題好明顯係水質差!
因為波子佢係卵胎生,即係會直接由魚母生魚bb,但期間會有羊水流到水中,生產完後一定要換水,多數響3日內要每日換1/3-1/4缸水,可以減低羊水影響水質既情況!!
所以你可能出左呢個問題!!
另外魚bb死有機會係咁!!而多數魚bb因為身體單薄,所以死左之後好快會發漲,就會好似白蒙蒙咁啦!!
另外你用泥底種草,水質會偏酸,對波子唔係咁好,佢都係偏弱鹼水質比較適合,所以魚bb都可能因為ph值而影響到死亡!!
而水草黃係因為唔夠光或唔夠養份,如果唔夠光可以用uv燈,每日開7-8小時會有一定改善,另外可以買水草肥料!!定時加響中水!!仲有種草要用co2,所以你可以要去買co2用品!!d草先會生得好d!!
至於唔同魚都有唔同壽命,所以我冇可能答你咁多,但波子魚一般都有2年命仔!!多d都有既!!不過要小心養囉~
唔明再問啦~

2007-05-01 10:21:15 補充：
我係指生完個日既頭3日都要換水,咁可能慢慢換走(羊水),如果你有機會可以響一個不透水既生仔箱比魚母生仔,你會見到d水越黎越黃,仲會好腥嗅,所以生完個頭3日要每日換1/3-1/4缸水同時要加粗鹽殺菌咁係咁解喇~~過左頭3日,之後可以4日換一次1/3-1/4缸水,再之後都係4日一次,再之後就回復平時換水既時間,但每次換水都要加小小粗鹽,要記住呀!!生完個日開始計既話,水周期係(1 日--1日--1日--4日--4 日--正常)另外,如果響頭一星期d魚開始有病變時,可以加多小小粗鹽都冇問題,不過唔知你個缸幾大,方便講聲我知~

回答 (2)