點解m&m會叫m&m

http://en.wikipedia.org/wiki/M&M';s

http://www.dooyoo.co.uk/food/kinder-chocolate/

http://us.mms.com/us/about/history/story/



唔係同你講笑，M&M's®朱古力原來起源自西班牙內戰！話說Forrest Mars在西班牙遇見一班食緊朱古力波的軍人，朱古力波外面有層硬糖衣包住，避免融化。亞Mars腦中閃出一句：『好有計喎！』，跟住就返家鄉發明M&M's®朱古力喇！ M&M's®朱古力出現於二次大戰，美國士兵鍾意到佢不得了。當時M&M's®朱古力以硬紙筒包裝，可以隨身攜帶，又唔受天氣影響，所以成為行軍必備零食。1940年代末期，佢成功打入普羅大眾市場，深受大人同細蚊仔歡迎。去到1948年，M&M's®朱古力轉形象，改用棕色塑膠袋包裝，從此成為經典。





1996年都算光宗耀祖喇，因為M&M's®廣告片金榜題名，於參賽廣告多達60支的大型廣告比賽中，被今日美國(USA Today)評選為第一名。呢件喜事證明M&M's®家族好受大家歡迎，甚至比米奇老鼠及Simpson有更多fans。(Source: Marketing Evaluation, Inc.) 咁樣都未算呀！96年M&M's®仲推出全新筒裝M&M's®迷你朱古力，同埋突破性成立M&M's®Studios (網址：http://www.m-ms.com)。M&M's® Studios係M&M's®家族進軍「cyber 荷里活」的網上基地；一click入去，你就會發覺呢個模擬荷里活片廠的網站周圍都係新奇玩意，例如M&M's®家族的Wallpaper、Screen Saver及網上遊戲，網友亦可以睇M&M's®星明的個人小傳、星路歷程，內容多彩多姿，包保你被呢個網路世界深深吸引。香港的M&M's®網頁其實都係以呢個網站作為藍本而建成，所以內容同樣繽紛，令你唔捨得離開！

仲未講完呀！96年推出M&M's® COLORWORKS！呢個萬花筒裡有20種唔同顏色的M&M's®牛奶朱古力。M&M's® fans每次click入呢度，都可以親自設計最fit自己的顏色組合，以針對唔同場合，隨心所欲享受M&M's®帶來的獨特顏色誘惑！

雖然身處香港的你暫時仲未可以親身體驗M&M's® COLORWORKS的魅力，不過只要你比多耐性，話唔定遲M&M's® COLORWORKS會出現香港呢！



http://www.m-ms.com/

http://hk.m-ms.com/mms/index.html