點解有D銀行要十幾日先可沽股票?

用白表申請新股的申請者，股票票面上的股東名字是白表申請人的名字，白表申請者收到股票後，一定要開設證券户口才可將股票賣掉，而一般證券公司/銀行會要求生客預先存放準備賣掉的股票於證券户口，原因是害怕收到來歴不明或假股票。證券公司/銀行會將這股票經過户處轉至CCASS Nominee 名下，當股票過户手續冇問題，證券公司才肯替客户賣出，整個過程需時兩星期至一個月。這就是為什麼銀行話要約14個工作天先可以沽出股票。
所以抽新股，用黄表申請其實方便過白表許多，用黄表申請，股票以CCASS Nominee 的名義開出，不需要確定股票有冇問題，只是 CCASS 內部撥貨做交收，所以黄表申請人可於新公司上市頭一天賣出。
另外，你係熱客，如果金額唔大，佢地倉又有這隻股票，就算攞往股票作T+2交收，證券公司都信你同你做 T+2交收。但千祈唔好似熱賣熱，賣前問清楚好啲，佢迫你喺市道買番去做交收你都唔可以上訴。


2007-05-03 09:06:36 補充：
題目係問『點解』有D銀行要十幾日先可沽股票，我而完完全全答咗。

2007-05-03 12:48:44 補充：
未有CCASS前，所有IPO股票都可上市當天賣。中銀可以一日後賣是它覺得可以冒張股票有問題的風險，而在未有CCASS之前，全世界都可以以新股票做T 2。只不過今天大部份銀行都公事公辦，而且，攪到白表申請人咁麻煩可以變相迫佢地用黃表，可以收多一重手續費。

我試過攞中銀香港(2388)去大新銀行開股票戶口，個職員話要等14日，佢建議我攞去中銀，話會快D。我就係咁系中銀開了戶口。

星期五我去中銀存入洛鉬(3993)，下午就在網上放了。
真係放得到又後悔，放唔到又乾著急。

中銀的確一日就買得. 你用大新銀行要14個工作天先可以沽出有無搞錯,轉去中銀啦,分行好多,好方便