錶面可以扭既環

呢個環基本上用途不大，只係用黎手工記時（計時），基本上只係潛水錶會有．
譬如，你由11:05開始潛水，咁你可以將三角形既位置轉去５分刻度嗰度，你潛到11:25，你可能已經唔記得潛咗幾耐，咁你睇返個三角形響邊就計到．
另一個用法，係你響11:05開始潛水，呢一潛計劃潛18M，20分鐘，然後5M，3分鐘，咁你響下潛之前，先將個三角形轉去２５分嗰度，用黎睇住夠鐘就要升水去5M深度．
不過真係潛水，而家都唔會用潛水錶啦，大家都用潛水電腦啦．


都仲有一個用途嘅－裝飾用囉，型呱．
至於樓上嗰位話聽講可以量水壓同氣壓，就真係冇咁神奇啦，可以量水壓嘅，已經係潛水電腦啦，最平嘅入門版都要兩千幾蚊一隻（電子錶），高級少少，成六七千蚊隻架．


2007-05-01 00:16:45 補充：
咁就係裝飾，同手工記時／計時用啦，四百幾蚊都幾貴架啦，應該可以戴去游水架啦，潛水就唔好啦，唔知頂唔頂得住水壓．

以我所知係用稷計時...當然不是自動計時器..而是手動(個環不會自動轉的)....
環面應該有個標記, 箭咀OR "0" 位...
只要係開始計時既時候用標記指住開始既時間...
完成計時後便知大概用了幾多分鐘....

以我聽返黎0個 個環係黎度氣壓同水壓
當有一定壓力佢就會自己轉到和壓力對等的數字上
以上所答不能百份百作準
因為我真係都係聽人講~
如有錯誤 請多多指教~

你就當它是一個裝飾來戴吧.