秘書及行政實務課程 定讀 船務文員訓練初階,請比d見幫下我!

根據妳的學歷和經驗,我認為妳比較適合讀船務文員訓練初階.

讀秘書及行政實務課程無疑個名好聽啲,做秘書個名都好聽,但係,如果你冇諗住長遠係做秘書,或者想專業做秘書,咁可以唔駛特別讀呢個課程都可以做個普通文員.

而且,現今來說,外面公司請秘書,要求起碼中五以上,有秘書文憑,仲要幾年文職工作經驗,所以就算比你讀完個課程,因為你未考過會考,出面啲老闆好可能唔請.
仲有,做秘書有時仲要識幫老闆寫信,做行政工作,英文冇咁上下都好難見得成份工.
雖然,見工同做可能係兩回事,但,始終學歷係一個大問題.
再講,秘書呢個行業,除非你做得好叻,可以做到老闆左右手,否則,依家好多人都識打字,會計...有冇秘書都未必咁重要.

船務文員...雖然係初階,但係對你都算外行,讀完或者都可能搵到一份船務文員工...但係,要有心理準備,人工唔會高.因為你未做過呢行,即係冇經驗,老闆會壓價.但係,船務發展可能好啲,例如你會學到啲出入口既嘢,即係出入口公司都可以試,感覺上冇秘書課程咁局限.(因為秘書課程學既嘢好多人依家唔駛學都識,學秘書課程都只係想係秘書條路發展)

不過,講到最終,都係要睇你自己興趣,有興趣响邊行發展,覺得邊樣適合自己,有興趣就會讀得好,讀得好就將來都可以向呢個行業發展. 仲有,如果可以...最好有中五張會考成績比人睇,如果唔係,好難做到文職. (不過,都只係個人見解,請不要見怪,可能有人冇中五都可以搵到文職做,不過...可以話你知,個或然率好低...)

你應該好好諗下自己的喜好，set個目標俾自己，你想做shipping or 秘書，就由你自己個人選擇，讀佐之後對自己搵工有冇幫助呢？係咪做sales就冇前途呢？轉型唔係咁容易架。希望你能找到自己的方向。