關於開公數（１５分）

政府部門咁多,五花八門,要開公數採購的野梗係好多啦.大至起橋築路,細至開鎖配匙,點可以寫得哂呢,總之只要證明得到買的物件與公務有關,又符合有關規定,就可以開公數.

但係有d野一定冇得開公數的e.g.睇風水,拜關帝,請同事食野

就食物而言,如果有關食物或者茶水係用黎招待賓客,都可以出公數(但係不同部門對呢樣野有不同定義).
如果係符合官方酬酢的規定,因公務而要同外界人士食飯應酬的開支亦可以開開數,不過呢樣開支的審批非常嚴格.一般初級公務員都冇機會開得到呢條數.

因公務而坐公共交通工具亦可以開公數,不過要合符公務員事務條例的規定同埋各部門訂下的指引.唔係話公務員就可以奉旨坐的士的.

至於文具方面,政府已經對一些常用的文具(如原子筆、膠紙等)作中央的採購,部門除非有特別的原因,否則不應該開公數另外購買這些物品.

私人機構間間唔同,開公數當然冇乜共通的限制啦
總之唔好穿櫃筒底,用d錢做非法的用途就得啦.