點洗先唔縮水...?

一些平價的TEE，布料的質素較差，而放進洗衣機內清洗的過程中，常伴以攪拌的動作，所以，便會使布質更加差，所謂差上加差。

再者，受到「冷縮熱脹」的原理所影響，你洗衣時是不會有熱水，只會用冷水的，所以，整件衣服都會縮水。

至於正確的方法，就是自己用手洗，這樣，起碼不需經歷在洗衣機內的強烈攪拌過程。

縮水同貴價平價沒有直接關係，我試過買件$3xx的Cxxxxx Kxxxx Tee，一樣縮細了一個碼，相反女人街賣$20件，一摸上手感覺相當焗身的所謂棉質Tee就包你唔會縮水，因為Cotton含量少，反而Nylon或Arcylic含量高。
再講縮水其實係因為布料中的棉質，棉質越重，縮水情況越嚴重，有些聲稱100%純棉的Tee唔會縮水，因為佢地己經經過了洗水過程，所以你再洗都唔縮或者唔會縮得咁嚴重。
要避免新買的Tee洗一次就唔著得，可以講得話要碰運氣，購買前可向售貨員查詢一下是否會縮水，如果佢知道件Tee有否經過洗水處理，或有否經過防縮處理，咁都大概可以放心，不過有時售貨員都真係答你唔到，因為件衫並不是由他製造，所以我講話有時要碰運氣，其次就要靠小小經驗，如果買開知道哪個牌子或哪種質料會縮水，就買大一個碼囉，如果洗完佢縮唔夠就用乾衣機烘烘佢，烘完分分鐘細兩個碼。
之後講洗衣方法，容易縮水的Tee如要用洗衣機洗，先用洗衣袋包住，切忌用熱水洗，必定要用冷水，但咁樣一樣會縮，只係減輕縮水的程度，最後要風乾，切忌用乾衣機烘乾。最安全係用冷水手洗，這樣縮水程度是最輕微的。

2007-05-10 14:58:22 補充：
呢個錯嘅答案被選為最佳解答真係無奈，給你負面評價正如我的答案所講︰「縮水同貴價平價沒有直接關係，我試過買件$3xx的Cxxxxx Kxxxx Tee，一樣縮細了一個碼，相反女人街賣$20件，一摸上手感覺相當焗身的所謂棉質Tee就包你唔會縮水，因為Cotton含量少，反而Nylon或Arcylic含量高。」

補充一樣野，我都是做衣物相關行業的