想買大約百一二萬的樓作為放租/投資,有咩樓介紹?

你在4月28日都問過相關的題目,
不過你沒有選我做最佳答案,
現在我再回答你的問題如下,
我是住在沙田區,
所以較為熟悉該區,現推介如下:
1.沙田第一城:沙田區最大型屋苑(有五十多座),
有一定的升值潛力,(不過超過20年樓齡).
2.偉華中心:鄰近火車站,巴士總站,
連接新城市廣場,購物方便.
3.沙田中心:鄰近火車站,巴士總站,
沙田公園近在咫尺.
最重要的是沙田區的中學校網很好,英文中學有12間之多.

其實要睇下閣下係諗住放租定係短炒, 因為如果放租的話, 就不太建議買大型屋苑, 因為租盤多, 租金回報都不過 5% 左右, 其實不太是一個理想選擇, 其實有很多地方其實租金回報極之可觀, 之不過極小人會留意到, 一些地方, 居屋多, 私樓小, 自然租盤小(居屋未補地價唔租得), 當 supply 小時, demand 多, 自然租金會貴, 我舉一個例比大家參考一下 : 本人曾購入黃大仙天馬苑 479呎 88 萬連地價, 由於附近的樂富及黃大仙主要都是居屋公屋, 租盤極之罕有, 所以本人把這一房兩廳單位叫租 5800圓, 怎知道, 放盤第一天就獲承接, 5600, 租給一公司的會計經理, 和他交談中, 得知佢地原來等左盤好耐都無, 所以一放就要立刻交易, 驚錯失機會... 回報 8厘... 就是這樣賺取了。記住, 一個屋苑多交投, 亦等於多盤, 第二時要放賣及放租都不能叫倒好價, 就係因為供應多。要是短炒, 之前小弟都建議過大家, 只要熟悉一個物業市場, 如一城, 知道靚景 395有露台可放接近 140萬, 只要有盤 115-120萬放出就可以毫不考慮入貨, 呢 d 就係叫短炒, 以市價低的價錢買入, 用市價賣出賺取差價, 好似聽落好難, 但係呢 d 錢唔可以急賺, 要等貨, 去 agent 到問好難一問即有, 要留低個電話一有貨即上, 但係要做呢步, 緊記, 要多做功課, 貼市知道最新成交, 先至可以容易賺錢, 其實咁樣入貨係好安全的, 因為你買入的價錢比市價低 10%-15%, 個市點衰點衰有排都輸唔倒本, 但係就切忌心急入貨, 咁樣就好多錢都好易搵

炒樓格言 : 炒樓是炒落後, 而不是炒升。

荃灣中心啦~~ 百一二萬可以買到, 新鴻基既樓~~ 又係大型屋苑!!! 極力推介啦~~ 買左租出去5000-5800, 一定租得出~~

沙水第一城 - 因沙中線已批左. 原本395呎既細單位, 由一般既120萬. 一下已升至140萬. 你要實地睇睇先知既. 因第一城有50幾座. 好視乎座向, 景觀. 而且第一城租盤好旺 ka. 唔憂租出去的. 395呎細單位, 如有好裝修. 租到 $6000 以上. 夠供樓有餘 lu.

可考慮買中環尾至上環既內街細單位，百一二萬可買到二＋餘年樓齡，三四百呎單位，加小小裝修番新一下，租7千已夠付供樓錢，而且中上環以現時呎價跌極有限，都算保值。但要留意樓齡，太舊的樓銀行不能做到七成按揭。