同ex女朋友分手之後既關係

以下講既嘢可能會令到你有些唔開心,唔好意思先!!不過真心想同你分享的!

首先佢想要個成熟d既男朋友唔係錯,但係佢其實不知不覺間已經做咗一d超唔成熟既表現!!簡單d講就係一腳踏兩船。

呢個行為要基於幾個條件下先會成立到:
第一,好聽d講就係個人仲未知自己想點,拿唔定主意揀邊個,但難聽d講就係花心啦!
第二,要係兩個伴侶唔知既情況下先做得到,當然要佢過到自己嗰關啦
第三,如果條件第二唔成立,就只係會大家同意下進行,即係好似你現在咁,明知佢拍拖都唔介意踏隻腳埋去。

我既睇法係:
佢真係好細路女,佢想分手搵第二個,其實唔係一個問題,佢搵d理由同你講分手都唔係過份,(無論真又好假又好啦)但佢未同你分手就同第二個一齊,就點講都係唔啱。
現在佢點解咁對你?只係因為你係一個鍚佢既人,你又唔介意佢同第二個拍拖,佢無啦啦點會想無咗一個咁既人係佢身邊呢?對於佢黎講,你現在係處於一個佢隨時都可以飛起你既狀態,即係話佢同你出來你又會對佢好,如果新男友有問題,佢又可以番來你身邊喎,但如果新男友掂,佢又可以唔理你,你跟本連出聲既理由同資格都無,佢可以一句話『你又唔係我邊個』,就將所有嘢抺得一乾二淨。掉番轉如果佢番來你身邊,你仲高興到死,對佢更好添….

我唔係話佢係一個處心積累用心計既女仔,因為我都唔識佢,只係你想一想,只要有d自私既人,咁樣做法係好正常同自然。

正如有一日你有兩份工搵你,一份有前途,但人工少d,一份無前途但又人工多d,你現在揀咗前者,但後者同你講,你得閒上來做吓part time都唔梗要架,我哋唔會請第二個架,你做梗份工做得唔好,先轉來我哋到做啦,我哋會等你架!!咁你會唔會同第二個老細講話,唔好啦,你請第二個啦,我都係專心做第一份工喇。 你唔會架嘛,有人無條件同你keep份工,你點會叫佢請第二個啫。

現在你明嗎?當然愛情唔同番工,因為你唔做第二份工,都唔會影響到第一間公司同埋你,但愛情係會hurt到三方面架,仲會令到你身邊既朋友好擔心同難受,唔通你只係滿佢只係同你攬攬錫錫?你唔想佢做你女友咩做你老婆咩?如果你想,你又容忍到佢到第二個又做呢d嘢嗎?

當然我覺得最重要係,就算佢最後番你身邊,我始終覺得會有第二次!!我是說真的,因為我試過你呢個角色,我令到我身邊所有人好失望,令到自己好傷心,覺得自己好傻。不斷分手又係番埋一齊,重重覆覆。

我好明白結束一段唔短既感情係係好辛苦,你還好些只是年半,我同之前那個拍咗七年,但我明白拖下去只會越來越慘。

其實只要你決定唔再鍾意佢,同自己講會有個更好既將來,你既未來會好唔同,我努力過想達到佢既目標,不過會比現在更辛苦,最終我現在找到一個同我好夾,亦令到我搵到我自己目標既好女仔,亦和她拍咗年半,已經計劃結婚添。

信我啦,係時候收手喇,唔好再過呢種關係喇。你會發覺前路會好唔一樣的。

講得好有見地！暫時在這男女關係最有價值的一篇！

我明白你而家一時間好難放棄你 ex gf, 始終都一齊過一段時間...

但你地 keep 住呢種曖昧關係, 咁就已經唔係普通朋友啦...

我覺得你反而做左第三者啦...

同埋你 Ex gf 好自私... 就算分左手佢都 expect 你同以前拍拖一樣咁錫佢...

關係唔同左就唔同左架啦...!

你唔好勉強咁改變你自己~ 上進係岩, 成熟 d 都岩..

但如果將來你所做既野都冇可能同返佢一齊, 你會點?

點都好, 我都希望你可以同返佢一齊~

good luck!

愛上一個自私的伴侶，尤其是一腳踏兩船的人，
那種患得患失，不知他何時才回頭的感覺。實在教人心酸。
好明顯你的溫柔敦厚，教她念念不忙。
可是，她早已向你表明她要的是前景的人(成熟D只是借口)。
也許她的新男友不及您的體貼，而她又知你還有等她回心轉意，
所以一有時間空間，她就背住他而找你消遣散心。
到他要她陪時，就會無影無跡了是嗎？長此下去，對你和他公平嗎？
在她心裹，你只是個扯線公仔。我睇到都為你心痛。
對自已的愛人痴心是正常，但對一個玩弄感情的人付出真心是幸呢？
首先，你要為自己增值，提升自已的競爭力，打好經濟基礎而努力。
同時不再和她來往，要記住，無論過去多甜蜜都已成過去，不再被她玩弄。
宜家才23歲仔，你的温柔體貼及對愛情的認真態度，驚無女仔鐘意你咩。
為將來努力加油啦！！！

2007-04-30 13:12:43 補充：
你的信收到了，回信寫好了才知超過文字上限，若相信我請email給我[email protected]要上班的Gyro上

2007-04-30 13:16:34 補充：
剛再看其他網友的回答，以新丁仔兄的更可取和全面和更能幫到你。 Never Give Up 886

2007-05-01 03:07:30 補充：
你也可參考(失戀心痛)我的答案。 切記要堅强，不要再和她聯絡又靜靜走在一起。 一個曾表明分手，投入他人懷抱的人。就算回到您身旁，你又保証能留她一世嗎？ 真的能長久嗎？ 失戀不是瘀事，全世界日日都有人遇到。 這段情已經結束了。 在這段忘記她的過渡期，靜一靜，好好為將來打算， 好好充實自己。 才是你現在應有的心態呢！！！