急~~!!!倉鼠生bb

掂過d bb已經成事實,只好之後都唔好攪d bb啦,睇下鼠媽媽會唔會網開一面唔食左d bb.

生左bb之後,要小心唔好攪到鼠媽媽食左d bb,要留意以下幾點:
1)將鼠爸分開
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.
6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣
7)如果想特別俾d野食俾鼠媽媽,我就唔建議問鼠店既人啦,因為佢地咩都會話好有益(我以前唔識就真係信佢地,買左n咁多樣,之後先知好多都係好冇益),咩都叫你買,佢地做生意架嗎,其實俾d麥片佢食都幾好,有營養,都唔洗另外其他d咩去補,食得太多零食反而冇益,而鼠鼠生完之後,會生一舊紅色血淋淋既野出唻,之後食左佢,都有補既功效.(唔知係咪呢舊野令人覺得係bb,但事實唔係既)

食自己鼠bb有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左
6)鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb

另外,希望你唔好繼續繁殖鼠鼠,原因如下:
1) 鼠鼠天生根本就係獨居動物,根本唔適合群居,就算兄弟姊妹,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既.
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢.
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,唔好盡信,鼠店有鼠死左都唔會俾客人知呢.
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦.
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶.

你唔好掂啲bb，因為個倉鼠阿媽會食咗啲bb，將倉鼠男分開，因為倉鼠男會做成壓力，令倉鼠阿媽會食哂啲bb，你唔洗理佢地，因為倉鼠阿媽會比奶啲bb食。(我都試過有10隻倉鼠bb，E啲係我既經驗!)

以下係我的個人經驗=>
如果倉鼠生左BB, 你最好就係唔好掂佢地
如果你掂左個d bb的話
d bb就會有人既味
倉鼠媽媽就會以為有人搶佢d bb
就會食番佢地入肚@____@
等番倉鼠媽媽照顧佢地就可以
唔使幫佢地換木糠
等bb生左d毛先掂就得
最好比倉鼠媽媽食多d有營養的野
好似水果餅呀,問下寵物店d人倉鼠媽媽食咩好
咁樣倉鼠媽媽d奶就會有營養好多
絕對是好的=>
比佢飲多d水啦

咪抄我d答案\ " /
檢舉你丫拿

2007-04-29 21:34:23 補充：
分開爸爸同媽媽如果唔係佢地會打交

2007-04-30 21:47:49 補充：
我家1隻媽媽試過生左成15隻-______-太恐怖了

2007-04-30 21:49:21 補充：
掂過d bb就唔好再掂了咁樣可鹿會搞到倉鼠媽媽驚架之後又會食bb的了=__=

all u have to do is take out the father and raise it in another cage.
u don't need to feed the babies, the mother will do so. the mother knows how to take care them.

就咁放野食落個食物碗

之後唔好搞隻媽同d仔,
個老豆就最好分開佢

個阿媽會比奶佢地嫁啦