在東京有什麼可做???

建議你去淺草寺，個度間寺有好耐歷史，附近的街道亦賣好多特色食品。之後可以搭觀光船由淺草metro站，經隅田川去台場。船上可欣賞隅田川沿途兩岸風貌，有時會經過住宅區，有時就係商廈區，沿途會經過約10條橋，每條橋都有唔同特色。
台場係80年代新開發地區，無論係規劃定建築都同東京其他地方好唔同，係個好舒服的地方。台場主要交通工具係無人駕駛的電車鐵路，好方便。你仲可以行過彩虹橋，橋上免費開放人行道。台場仲有好多野玩，如參觀富士電視台(電視台開放左個展覽館俾大家了解下電視節目制作過程同埋可以上大廈25樓個球形觀景台睇風景。)，台場小香港(一個以香港為設計的購物商場)，大江戶溫泉(有得玩有得食的大形溫泉玩樂景點)。
不過以上行程，一日都玩得完。



其實你唔鐘意shopping，我覺得你不如去京都神戶，京都成個市，寺廟多過shopping mall，唔同地方有唔同風貌。
神戶的港口夜景亦好靚，有時間有金錢，可以由神戶過姬路睇世界聞名的姬路城，遠望係陽光下真係好靚。
如果你係買package，可以買大阪package，京都、神戶同大阪係非常近，約半小時車程，一定岩你要求。

2007-04-29 18:28:07 補充：
如果你對日本傳統文化、建築以及郊外風光非常有興趣淨係京都都夠你玩成個禮拜

咁東京真係唔係咁適合你去,去關西啦!
京都可以去2日觀光,奈良都有d寺的,大阪就去大阪城的天守閣,如果想睇天守閣的原裝正版,可以去姬路城睇(天守閣係照抄姬路城的)
如果你唔介意花d車錢,我建議你去倉敷,可以在那裡住一晚tim,關西人都好推薦lee個地方係觀光的好地方,我去過一次,但無plan都住一晚,所以有d走馬看花,日後有機會,一定會再去一次,其實我都係唔like shopping的,去旅行首要係觀光,其次係食,之後先係shopping.
http://www.city.kurashiki.okayama.jp/kankou/event/index.html
仲有個好地方推薦俾你,係中部的高山&白川鄉,果度保留左過百年前的日本景色,係觀光的好地方(我plan緊今年會去),可以去3日2 晚的,你睇下以下的web site會唔會令你有興趣去
http://www.hida.jp/chinese/
http://www.dawndawndog.com/main/focus/shirakawa.htm