唉~我....入黎先講喇

2007-04-30 12:34 am

我係一個女仔...
但係最近我對一個女仔有D好感...
佢成日對住我笑..好關心我..我有咩事..佢都會出黎幫我
唉..我本來都無乜野既..但近排我訓果陣成日都諗住佢..
琴日..我同班同學去BBQ..我勁想佢去..因為我覺得無左佢係到..我唔會玩得咁開心
但係因為佢今日要去排球比賽,所以唔去得..
有陣時...放學果陣..我好想睇佢打排球..望住佢我有一種感覺..我覺得好開心[類似]
但望得多...我又驚佢以為我基...
去到果陣..我真係好掛住佢...就連我係屋企打緊機都諗緊佢係屋企定係出緊街呢?出街又同邊個出呢?...

上堂果陣..我成日望住佢..好想引起佢既注意..
但最近佢開始發覺我成日望佢..
搞到我..唔係好敢望佢E家..但唔望佢我又好..[唔知點講好喇]

唉~我係咪中2左佢?...或者係錯覺黎?

更新1:

bettywkng2005.. 我有心傳既對像嫁喇.. 只不過對佢有少少好感姐..--

回答 (6)

用戶91674

2007-04-30 1:03 am

✔ 最佳答案

同妳一樣，我都試過呢個階段，不過而家真係放低左。
我都曾經懷疑過自己係咪鍾意女仔架，但係我有男友，
咁我又諗自己係咪雙性戀呢？但而家問題已經解決左嚕。
初初識佢果陣，冇乜野，但識耐左，開始覺得佢好好，
開始由冇乜留意變成好留意佢，上堂既時候成日偷望佢，
但望完佢，又唔想比佢見到自己望住佢，心情好矛盾。
有時見到佢同其他人玩埋少少，又有種呷醋既感覺。
我唔知妳係咪同我一樣都有以上既諗法，
但如果真係既話，我覺得，有呢個諗法都係好正常，唔駛咁擔心先。
畢竟青少年好容易會對同性產生一種傾慕又或者妳好珍惜呢個朋友。
所以先會有錯覺，所以妳唔一定係同性戀，唔好咁緊張^^
睇下點先啦，或者過一排妳唔會有呢種感覺架啦，慢慢黎啦，
唔駛太刻意去令自己唔鍾意佢，唔掛住佢，
好多野都係自自然然就會冇事架啦^^

希望幫到妳啦，哈哈！

參考: 經驗

👍 0 👎 0

Fairygaga

2007-04-30 2:18 am

我諗你對佢唔係愛o既感覺, 只不過可能你冇姊妹, 而佢對你可能好似家姐對細妹咁, 令你有一種莫名o既親切感啫, 所以你咪成日會諗起佢囉.

👍 0 👎 0

用戶93971

2007-04-30 1:26 am

你認識她架，咪多啲來往囉，你係咪基都可以來往架，你喜歡和那個人做朋友，是你個人的選擇，不過千其咪動手動腳，咪比人講閒話就連一個朋友都損失了，就算你係基，都要佢都係基，才能開花結果，就算你係基都無可能不和其他人做朋友，如果你不是基的話，更加不要令別人的閒言而使你沒有朋友，你有幾尊重別人,自然嬴得多少尊重，如果你的朋友因為別人的閒言而對你誤解的話，她同樣損失一個值得交的朋友。致於你話對她有非份之想，祗不過是少女懷春，又沒有異性對象，所以對一位同性的好朋友產生綺念罷了，不要將這些生理現象化成行動，以免損失的是你自己，過多許多年之後,你的想法可能已經不同了，不必太擔心。

👍 0 👎 0

用戶52555

2007-04-30 1:02 am

唔一定係鍾意佢ge,可能你想佢做你朋友

👍 0 👎 0

joey115371

2007-04-30 12:56 am

我之前都試過咁(同我鍾意同一個人果個)
之前我做D咩都成日唸住佢，
但是其實呢一種既掛念，
只是一種因為佢係是你好好既好朋友，
好到無時無刻都想同佢一齊既感覺！
同時你都要好好咁珍惜你同佢之間既友誼，
你咁樣唸，我覺得你都好幸福啊！
起碼你有一個咁值得你掛念既人，
所以無論點都好，
希望你可以解決呢D問題！
我唸我講既野都唔會幫到你，
我都你呢段友誼可以長久！

2007-04-29 16:58:11 補充：
我都希望你呢段友誼可以長久！

參考: myself

👍 0 👎 0

一碌竹

2007-04-30 12:45 am

I think you 對一個女仔有D好感....
just you want to do a friend with her...
In my school ,
many 女仔 have your 問題...
But at last,
they know they are not 基...
So,I think you are not 基...

👍 0 👎 0

收錄日期: 2021-04-28 14:16:06
原文連結 [永久失效]:
https://hk.answers.yahoo.com/question/index?qid=20070429000051KK03363

檢視 Wayback Machine 備份