去邊到買戒指???

咁你有無想買隻邊類型既戒指呢...純銀...石塊類...定係要有特別款既呢...

我知道旺角潮流特區有d可以配成情侶戒指既鋪頭...你可以o係果間鋪頭搵到d相同款既戒指...可能佢地唔係用"情侶戒指"...而你自己可以揀一d你地兩個都中2既款式...再要唔同size...不過就要差唔多200蚊一隻...

你可以揀925純銀又或者係成隻都係黑色石頭...又或者係果d所謂"黑金"戒指...都幾型架...不過你都知道果d一定唔係金黎既喇...又或者好似我自己咁...我買左一對"黑曜石"既戒指...表面有好多cutting既...所以可以反光...戴上手感覺唔錯...

我亦有一對o係J's買既有碎鑽石既...果d就係隆重好多...可以到你真係認定係佢既時候先買...不過好貴...差唔多$3,000一對...不過都係比你參考下...又或者買925純銀既戒指...不過價錢真係差好遠...你建議你可以揀左先...有d rock d 既...有d平實d又輕d既...

其實旺角好多商場都有呢d鋪頭既...不過我提議你揀同款唔同size好d...易d買到心頭好...

旺角好多
旺中 潮突大把
不過就睇你想買邊d同埋型唔型重架lor
個度大把情侶戒指..可以刻名
價錢又唔係話貴 合理
個度好多間 又有好多款
不過如果你真係睇中左隻男裝戒指又好鐘意好想買
其實都仲有個方法既
就係可以用鏈
帶係頸
睇下個人喜歡啦
我個人就比較鐘意鏈多過介指
所以我都係會選擇把介指當成頸鏈帶