新手6月中去日本既6日5夜行程表,有無人可以比d意見我呀??

1/ 如果想加<台場,御殿場outlet,吉祥寺>,可以係上野個日加. 不過就唔可以加晒3個地方啦! 因為御殿場比較遠, 同埋都幾大, 去一倘, 要行晒D SHOP要成日架. 不過如果你純粹想SHOPPING, 你都可以去下. 不過御殿場間agnes b 習左呀! ><' 好慘!
如果只為SHOPPING, 其實去吉祥寺同台場都夠. 如果唔係去一轉都唔幾抵. 山長水遠, 你既時間又唔多, 不如間番d近d既地方行好過啦. 係新宿去御殿場, package來回都要2800yen. 唔化算. (有時間就梗係去下啦, 景色靚, 而且shop多, 東京近郊最好行既outlet黎架!!)

吉祥寺, 呢個地方幾好, 冇新宿, 原宿咁"城市". 舒服d, 個度比較多生活雜貨, 有好多得意擺設都. 如果要買brand就可以去0101 (有退稅)同Parco (有間好大既addidas, 勁多童裝, 如果個子小的話岩晒).
台場, 可以晚上去, 睇下彩虹橋夜景之餘仲可以shop下.
如你去築地都會一早去架啦, 加埋個淺草同上野就冇左半日, 跟住中午去吉祥寺, 6點令起程去台場, 時間岩岩好.
另外要提醒你, 築地既吞拿魚拍賣已取消左給遊人參觀, 現只給業內人事進場, 如想睇吞拿魚拍賣就要死左條心啦. 不過要食sashimi就一樣有.

2/ 去Disneyland又去outlet, 時間好似忟d喎! 我估行唔晒! Garden walk outlet 都幾多shop, 不過d款是舊款. agnes b shop 大, but 款勁舊!

3/新宿京王已很方便而且新宿四通八達, 以你呢個行程只在東京玩, OK架啦!

4/ JR PASS 如果唔坐新幹線(子彈火車)係唔會抵GA...同埋以你呢個行程, 有好多地方都可以搭地鐵, 你睇下到時有冇需要買地鐵one day pass好過啦.

5/ 想同你講, 我以過來人身份可以同你分享, 橫濱既"拉麪博物館"是可以不去的!!
入面並不是想像中的"博物館", 而是一間要收費既"拉麪center", 首先要你俾300yen入場, 展覽拉麪既地方只有幾百尺地方, 求求奇有d字講下, 有幾台做拉麪既機display出黎又話博物館!
其餘就係兩層裝飾比較特別(五,六十年代既日本)既拉麪 shop center, 一間間拉麪店, 全部都係要你俾錢食拉麪既地方, 而且一d都唔平. 平時一碗800yen既叉燒拉麪, 個度要成千yen. 很搵苯!!

2007-04-30 00:02:11 補充：
係日本搭地鐵, 其實好簡單. 只要記住條線既顏色就OK啦架!當你去到站入面買飛, 你要搵番你要去既地方, 個地方名下面寫住既就係銀碼. 跟住你要睇番當站開始至你目的地要轉邊條線. 同埋記清楚方向. 如果唔係搭錯倒頭車就麻煩. 所以只要你出發前CHECK清楚就OK. **唔夠位寫, 不如你俾個email address, 再說details d**