警察....好好易

(1) 警察替疑犯蒙頭的黑布同手銬會擺係邊?

你係咪講緊黑頭套呀 ? 警察替疑犯蒙頭的黑頭套梗係擺喺佢個頭啦, 手扣咪扣住佢對手攞.

如果你問拘捕之前擺喺邊. 我會話你聽:
首先, 每個前線警務人員(包括男警,女警), CID, 出勤都會帶備手扣喺腰間;
至於黑頭套, 行咇人員唔會帶在身. 這些裝備會放喺巡邏車, 衝鋒車

(2) 如果要用咁點?唔夠點算?

如果行咇人員要用, 會call 巡邏車到場. 如果巡邏車啲頭套唔夠用, 會返警署槍房攞. 槍房起碼有幾十個應用. 如果再唔夠用, 就要去其他環頭 (警署) 攞架啦.

(3) D黑布衞唔衛生ga?

黑頭套用完即棄, 唔會翻用.

(4) 比塊黑布蒙住ge感覺係點? (聽人講話有D味...)

黑頭套只得兩個小洞, 視野約莫只得平日嘅 5 成.

黑頭套有啲味 ? 可能係布嘅味, 可能索咗槍油嘅味; 警察出去做嘢, 啲裝備都可能會有汗味. 就算屋企件衫放得耐無着, 都會有些味. 但一定係全新乾淨嘅.

(5) 幾時先會用?

拘捕疑犯時, 為了認人手續, 司法公正, 不想疑犯被人影到個樣見埋報, 繼續調查案件, 有傳媒在場.....警察會詢問疑犯是否同意戴頭套. 疑犯唔戴就唔可以强迫佢戴, 因為有人權嘅.

(6) D警察拘捕ge程序係點? (當要銬手銬 & 帶黑布)

初步掌握證據, 宣佈拘捕及口頭警誡 (唔係事必要你講嘅.... ), 戴上手扣, call 車帶佢返警署繼續調查. 離開現場時, 因應情況, 如第 (5) 所述, 可戴黑頭套. 通常細路仔, 或者老人家, 或者傷殘人士, 警察係唔用手扣嘅. 除咗驚佢哋會逃走. (但係啲肥師兄/肥師姐就梗係會落手扣啦----個犯走咗佢點追呀 ! )

(7) 係邊度可以買到黑布 (地址)

警察使用的黑頭套出面無得賣, 係懲教處做的. 如果你想買類似的, 可以去問吓出面啲軍用店. 但都唔好買啦, 大吉利是咩 !

希望大家無機會戴啦, 如果係就衰咗囉 !