我星期三就要演講 個題目係「我最難忘的新聞」用口語講出來 唔該幫幫手

不如你考慮吓講熊貓啦. 呢個新聞新鮮熱辣, 熊貓又得意, 又令人好有興趣, 題目生動啲, 聽的人也會開心啲.

我摘錄些重點給你, 你自己再整理一吓啦.

(1) 我今日想講嘅新聞, 就係最近好熱門, 令好多市民, 包括我自己, 都好感興趣, 同埋令我好難忘嘅 (笑住口咁講). 你哋知唔知係邊一單新聞呢 ? (先賣一賣關子, 問吓台下啲人, 等佢哋參與吓, 答吓問題)

(2) (當佢哋答中咗, 你就話---啱嘞---. 然後, 你就講吓自己點解對呢單新聞咁難忘, 咁有興趣, 順便介紹吓祖國送熊貓的歷史):

係嘞, 就係祖國又送一對熊貓俾我哋嘞. (記住要講祖國, 唔好講中國, 因為人哋會覺得你對祖國唔投入, 好似好生外咁)

我好中意熊貓架, 因為佢哋肥嘟嘟, 啲毛黑白色, 又有個黑眼圈, 好可愛, 個身又好柔輭, 成日擒上擒落, 又轆嚟轆去, 成個毛波波咁, 好似個毛公仔咁.

點解我對呢單新聞咁難忘呢, 因為我覺得祖國對香港真係好厚愛, 一個咁細嘅地方, 居然可以同時擁有四隻熊貓, 佢哋係祖國嘅國寶嚟播. 有好多外國人, 去四川同埋陝西做義工, 都係為咗同熊貓相處咋. 呢兩隻熊貓仲係好活潑, 好得意, 好中意玩添, 真係為香港增添咗好多生氣.

香港其實幾時開始有第一對熊貓呢 ? 原來係 8 年前, 即係99年由中央政府送俾香港嘅. 叫安安同埋佳佳，佢哋住喺海洋公園都8 年囉, 應該都攞咗永久居民身份証啦 (攪吓笑). 你哋有無去睇佢哋呀, 舉手俾我睇吓吖. (停一停, 睇吓反應, 然後繼續講)

第二對熊貓都啱啱嚟咗香港喎, 相信大家都有留意啦 ? 呢對熊貓係中央政府為咗慶祝香港回歸祖國10周年而送俾香港嘅大禮.

我哋開頭淨係知佢哋個 number 叫 606 同 610. 原來呢個 number 係跟據佢哋出世嘅先後排出嚟嘅. 早出世個隻熊貓個number 就排早啲, 叫 606, 係2005 年嘅 8 月8 日出世; 而遲出世個隻個 number 就排後啲, 叫 610, 係 8 月16日出世. 早出世嗰隻係男仔, 遲出世嗰隻係女仔.

上個星期, 即係4月27日, 呢兩隻熊貓離開咗四川臥龍保護區, 飛咗嚟香港. 同日, 由民政事務局局長何志平喺大熊貓交接儀式裏面, 揭曉咗兩隻熊貓嘅新名, 男仔叫樂樂, 女仔叫盈盈.

佢哋個名係透過一個大熊貓命名活動, 由13,000 名香港市民建議心水嘅名, 再由專家評審團喺 6,700個唔同嘅名字中挑選出嚟嘅.

而家樂樂同埋盈盈暫時要跟據檢疫規定, 喺海洋公園檢疫區隔離 30 日, 仲要經過一段時間去適應環境. 到咗7月1日回歸紀念日, 市民就可以去海洋公園探佢哋啦.

呢兩隻熊貓 05年 8 月出世, 而家都係得 1 歲幾, 兩歲都未夠. 佢哋而家每日食 6 餐，每餐嘅食物有 牛奶、高纖維竹子餅乾、蘋果、紅蘿蔔同埋一種叫窩窩頭嘅澱粉類食物等等.

講到熊貓的壽命，一般野外熊貓的壽命有20歲左右，但室內人工養殖的大熊貓壽命可達到30歲甚至更高。

目前呢兩隻熊貓先得1歲半，相等於人類嘅7至8歲。現在, 樂樂重 69.6公斤 (即 153 磅), 盈盈重 61.2 公斤 (即 134 磅).

到咗 09 年, 即係佢哋4 歲嗰陣, 就到逹可以生育嘅年紀, 可以有機會為我哋生熊貓仔, 傳宗接代啦. 希望佢哋可以喺香港開枝散葉啦 !

多謝各位.


(我建議你試吓自己講幾次, 如果一定要 2 分鐘內完成演講, 我寧願你刪減部分內容. 因為你演講的目的, 除了要內容生動, 吸引聽眾之外, 說話大聲及清楚是很重要的---- 如果你有很好的演辭, 但講得太快, 講到一嚿嚿, 台下的人聽不到內容, 便平白浪費你的準備了 )

如果你想要多些有關樂樂及盈盈的資料, 可在Yahoo 搜尋, 輸入 '樂樂' , 便很多資料.
http://news.bbc.co.uk/chinese/trad/hi/newsid_6460000/newsid_6469400/6469425.stm
http://www.singpao.com/20070321/local/907677.html

講除步高law 大把資料你講

講佢係tst 被殺開始
點樣發現到佢殺死左梁成恩 同打劫銀行
點鮮3單野都關佢事咁law...

　　這套電影的原作者是日本的「深七郎」先生，此片前後共開拍了二次，分別是由「木下惠介」於１９５８年及「今村昌平」於１９８３年攝制，而導演「今村昌平」更憑此片於１９８３年坎城影展中奪得了「最佳影片」獎項。

　　　此片故事描述於日本某一時期的偏遠村落，由於當時生活難苦，食物短缺，於是村中便有一規定，凡年老者達於某一年齡，家中兒子便要將其背到深山面，任其自處。

　　　而此片的一家，由於當年收獲不足，兼且家中人口眾多，為了解決食物上的問題，兒子迫不得已地將年邁的老媽送上山上，而剛好這天空中下起大雪，老媽獨座在荒山之中，雙腿盤屈、口帶微笑地向兒子揮手道別，此情此景，真的是教人下淚。

　　　此片有多幕場景都頗感人，如片中因食物短缺，老媽為使餘人能得溫飽，俏然地將健存的門牙弄脫，然後向眾人訴說自己年紀老邁，再沒有剛健的牙齒咀嚼食物；又如在上山途中，兒子多次不忍地要將她背回家中，但她卻堅決要到山中過活（等死）等等．．．

　　　誰說人間無情，此片便處處有情，無情的是天地，有情的永在人間。

你試下抄下梁漢文 新聞女郎
講新聞報道SARS嫁
我諗會幫到你