想問用油油定貼牆紙好??

本人覺得你都係油油好d, 因為用舊了只要執灰及翻油就可以, 不用鏟底再重新做. 牆紙就唔同啦, 用舊了就要鏟底再重新做, 非常麻煩!
牆紙與牆布最大分別, 就是牆紙是 [紙底], 而牆布就是 [布底].
現時香港買到的多數是 [膠面], 因為香港天氣比較潮濕, 可以用好濕嘅布抹都沒問題.
牆布比牆紙堅韌, 但款式唔多, 強度力好, 清潔容易, 闊度長, 駁位相對少, 所以效果較好, 但比較牆紙難做.

牆紙比牆布咁襟用, 但花款多好多, 因紙底容易脫落, 強度力欠佳, 部分不能用水清潔, 闊度短, 駁位相對多.
漆油方面 :
本人覺得油漆最好, 因顏色多容易配親, 用舊了只要翻油就可以, 不用鏟底再重新做.
至於用甚麼品牌, ICI 內有好多個牌子, 但水貨多, 巴馬士的沒有水貨, 但比較貴, 日本漆原廠日本制做較好, 市面多數是本地或大陸制做. 而菊花牌就是本地制做.
現時最好是買多功能漆油, 多功能包括有防霉, 抗菌, 防水, 特強附著力等.

如利登 ----- 價錢平, 質素好, 但少顏色選擇.
多樂士 ----- 價錢中, 質素好, 顏色多選擇.
護牆漆 ----- 價錢中上, 質素好, 顏色多選擇, 施工較繁, 合理做價應該高些.
麗明珠 ----- 價錢高, 質素好, 顏色多選擇, 施工極繁, 冇人鍾意做.
巴馬士的 ----- 價錢高, 質素好, 顏色多選擇及色彩較鮮艷, 最大缺點是貴.
日本漆 ----- 價錢高, 質素好, 防水較好, 但太結會髹時掃痕粗.
菊花牌 ----- 價錢中下, 質素好, 顏色多選擇, 施工容易, 是平價漆油中最好.
以上資料希望可以幫到你, 如再有問題或不明白請補充!

我建議油油，因為彈性較大，我都後悔屋企貼牆紙，依家住咗5年多，因為冷縮熱脹，pop起晒出來，好難睇，想整走但又要花好多錢，師傅話手工要多好多，若果當初油油而又保養得唔錯既話，再係上面翻油一重cover舊油就okay，唔駛大執，依家仲1516唔知做唔做好，太太好想做，但我想D牆紙爛到無藥可救時至造都未遲 (咁咪有Argue攞！)

至於想靚d同"襟"睇d ，除咗用靚油外，有D油既花紋似牆紙，師傅話好多人都鐘意用，而且用油可以一兩年再翻油，因為到時自己有唔同既口味，又可以keep住有新look。

最後俾我自己600呎屋企兩種報價你參考，翻油(靚油)$6,000，大執(拆舊牆紙、油底油、批灰、上油)$15,000，自己諗吓啦！

若果要師傅電話就send message俾我，call師傅上來睇吓有咩意見都好，反正唔幫襯又唔駛俾錢既。

如果想易D打理同靚D, 咁就用牆紙好D; 而"襟"睇D, 就用油油好D, 因為可以隨時再油過!

呢D係我O既意見, 不過我都係建議你按自己O既喜好就得啦!

想易d打理用牆紙,靚d用油油