大家幫幫忙!我應唔應該撻訂?

1)若果臨時買賣合約寫明訂金及佣金的話，你要撻Double payment 6萬元訂金，以及只須付自己方1萬元的佣金 (因為地產代理係分別、獨立代表買賣雙方)，不用付給對方 (因為有關買方的一切情況，係代理本身的責任)，況且若寫明買方是不須付佣金的話 (應該份standard的臨時買賣合約有列明，地產代理監管局規定)，更加冇得Argue。
2)撻訂的話，只須付部份律師費，佢地做幾多文件工作就俾幾多，但呢樣收費係由律師行各自計算，冇一定收費，每個律師行收費各異，與名氣成正比，但以小弟經驗所知，應該3千元左右吧！(希望唔會多收)，當然，你要付埋佢個份，即6k左右，呢樣好少有得Bargin, sorry man!
3)出律師信的話你要找律師回律師信，硬係要多俾錢，因為律師係每個item收費…
4)根據地產代理監管局條例，除非簽約人過身、在非情願情況下簽署文件、或當初在被受騙的情況下簽署文件，否則合約是有法律約束，無法在單方面提出要求而取消。Sorry，幫唔到你。

其實，屋企係一家人相處既地方，最緊要大家開心融洽，若經常吵鬧，令自己有壓力，身體更出現情緒問題，咁又何苦呢？往後生活咪更唔開心，與屋企人關係唔好，係會影響其他方面，包括工作、朋友、愛情… (過來人經驗)，又或者身體毛病日益嚴重，將來醫藥費、心血、時間、精力等花費不少，只唔只區區3數萬元呢？ (sorry唔係咒你，但你要衡量) 當然，最好開心見誠，與屋企人有商有量，大家share呢次問題，尋求解決方法，皆因一家人點都有得傾，唔會嬲足一世… 不過，下次最好同屋企人商量一下，買賣樓宇，因為呢啲野真係唔好急於一時衝動…

蕙講得好有道理, 我都試過比人撻訂,唔駛理咁多, 比番三萬, 再賠三萬, 再比埋兩邊佣就 ok

2007-04-29 12:39:13 補充：
無, 未交比律師就已經撻左... 但係有友人交左比律師先撻, 咁樣係要比的

我也是持牌地產代理 , 而且是業餘炒家 , 上面的人兄回答令我好奇怪 ,
撻訂就是撻訂 , 賠什麼雙 , 只是損失訂金三萬, 和付佣金而已 , 對方不用付佣金,
你就省回一萬對方佣 , 律師費誰要付, 臨約而已 , 律師根本未動手做文件 , 就算
文件做了 , 不簽就是不簽 , 誰要理他 , 你一定還沒找律師 , 要是對方律師已經
辦理中 , 叫對方食自己 , 你已經撻了三萬 , 不用理他 , 要告叫他去小額錢債告 ,
佢得閒慢慢告 , 不用理他 , 而且你買低於巿價五萬 , 對方望都望你撻啦 , 地產
代理實嚇你 , 蝦你唔識 , 啋佢都傻 , 法律都要比錢 , 你撻三萬仲比埋佣金 ,
佢走都走唔切啦 , 仲告你 , 傻既 , 凶你之嘛 , 嚇鬼咩 , 我經驗之談 .
要撻就撻 , 同地產代理講撻囉 .

2007-04-28 12:51:06 補充：
錢銀解決到的麻煩就不是麻煩 , 三幾萬而已 , 唔洗咁煩 , 撻左當睇唔到 ,忘記佢就算啦 , 又煩又傷感情 , 比錢都買得唔開心買黎做咩 , 仲要搞到自己情緒出問題 , 為果幾萬蚊 ? 落訂就唔開心 , 買左做按揭時仲有排你煩阿 .

2007-04-28 21:11:14 補充：
撻定點解要比律師費 , 徐非臨約寫明 , 如果無寫到明話撻訂要比律師費呢句 , 叫佢食自己 , 你比翻三萬人地然後賠返三萬 , 再比埋佣金咩都夠啦 , 千其唔好簽必買必賣 , 一簽就無彎轉 , 上帝都救你唔到 , 地產代理邊會同個客追收賠償 , 好得閒咩 , 佢收左你佣要幫你手啦 , 凶佢啦 , 比錢果個大晒架嘛 , 傻既 . 要撻要快 , 越拖得耐越麻煩 , 如果再拖你就疊埋心水賣左佢 , 唔好搞到咁複雜 , 賣就賣 , 唔賣就撻 , 就係咁簡單 .

2007-04-29 19:22:32 補充：
其實對方追收你律師費你真係唔洗理佢 , 白痴啦 , 就算追都係做幾多比幾多, 最多咪千零蚊 , 點收你三千阿 , 你臨約之嘛 , 又未落大訂 . 講到厘印費有個情形 , 因為一般臨約係唔會打厘印 , 通常等大訂先開始做呢d咁複雜既野 , 因為律師都心照啦 , 臨約除時都撻 , 邊會同你做咁多 , 佢都會睇定d先同你地做野啦 , 不過如果對方玩野 , 即刻拎你份臨約去打厘印 , 你就要比翻厘印費佢先再賣得比第二個人 , 兩百萬樓下既樓比100 厘印費 , 我唔知道你曾樓幾錢丫, 如果一兩舊水咪比埋佢囉,不過我未遇過咁無聊兼玩野既買家.

2007-04-29 19:23:10 補充：
另外你要投訴既問題 , 就好彈性啦 , 講真句 , 地產同你做左野 , 佣你就比緊 , 拖到幾時都係要比 , 投訴係令一回事 , 投訴成功最多都係個地產代理或者間公司被人警告或者處罰 , 你都係要比佣無得走 , 咁至於幾時比 , 你鐘意啦 , 無話一定 , 可以等佢幫你擺平晒件事先比 , 不過我經驗撻訂好簡單 , 開兩張票 , 一張比翻個買家 , 一張比佣 , 成件事就完 , 邊有咁複雜架 , 個地產收得你佣就會幫你拆掂佢架啦 , 咁唔識做既地產 , 下次點幫襯佢 .

我大約知道, 賣方係要比返3萬元訂金外, 重要倍多3萬元比買家, 再加地產的佣金, 為左低5萬市價就退訂, 好似不值得,更何況你又知道之後再賣時, 一定會有更好價錢咩?
(以上只係個人意見, 退訂不退訂最終都係你自己及家人好好商討)