女仔家底好是否比較多人追和容易找到一樣家底好的男仔?

女仔係咪家底好多人追就好難講，不過家教好o既女仔，我就覺得比較緊要。

要追家底好o既女仔，你要有心理同金錢o既準備，因為通常呢類女仔，細細個就已經見慣世面、身邊o既朋友都係非富則貴、食得好住得好、學歷又好... 所以除非佢真係好鐘意你，唔理你係普通家庭出身，亦唔要你使好多錢去達到佢平日o既生活水平。否則，你就要比平常出多幾分力去追，先可能會成功o家！

男仔介唔介意女仔有錢過自己？好難講，每個人諗法都唔同，不過男仔通常希望叻過女仔D，所以可能唔多唔少都會有少少介意！

以前我都覺得"竹門對竹門，木門對木門"係唔通o既！不過自從，我呢對木門試過同竹門相處之後，我終於深深咁明白點解D人要咁講！最後，我亦都係簡返"木門對木門"！

我覺得係相反wor...
屋企有錢個男仔反而重大壓力,未必一定多人追..
但你話容易搵到一個家底好既..都有呢個可能性..
因為個女仔屋企有錢..自然都係識埋d有錢朋友..咁有錢朋友既仔女都有有錢架la..自然就係搵埋個同自己家底差唔多咁有錢既男仔...
男仔好多都介意女仔有錢過自己...佢地會覺得辛苦d..因為女仔屋企有錢喇...男仔就自然覺得自己咁窮..邊有本事養起個女仔...除非個男仔刻服個心理關口喇!女仔好有錢...個男仔同佢拍拖..有可能會比人話個男仔食軟飯..或者更難聽都有!!
但有d男仔係因為個女仔有錢而同佢一齊..為咩...?係人都知喇..重唔係"錢"...但通常個女仔中意個男仔而個男仔係為錢同佢一齊..個女仔唔會知...邊有男仔話我係為錢而中意你架..