大家買保險會選擇銀行定係出面ge大公司

唔好喺銀行買呀!因為有起事上嚟,好難搵人幫你搞Claims架!
銀行話就話hotline 24hr,但搞claims時,就要搵5 days work 嗰啲department. 又無獨立agent貼身同你follow,打去啲department,個個都話"E?唔知上次嗰位同事幫你pass 咗去邊個邊個部門,無咁快喎,要下個禮拜先知喎..."問嚟問去,得個吉.
我上次去旅行睇幾舊水醫生cliam成個月先cliam到,又要自己打去搞.
保險既嘢最好搵相熟,做咗幾廿年保險既agent買(貪佢做得耐,唔方會轉工),有agent幫你follow唔駛自己煩.

2007-05-06 11:23:59 補充：
老實講,你問呢個問題,其實都唔係買保險既,你呢啲問題可以搵嗰啲理財顧問公司幫你度下囉,不過擺上綱討論,你即時變咗舊肥豬肉囉~~~(睇吓幾多人叫你call~~~)呢啲儲蓄保險我都有份,不過我覺得唔係咁實際囉,下下都話六十歲後有幾多幾多$$攞.....唉~MPF咪又係咁,我淨係想依家要幾多幾多$$咋~~~明知無可能,咁我想話三,五年之間要有幾多幾多$$,呢類投資保險,往往都講廿幾卅年,唉~~~~卅歲前都有多好人生大計架,你話點算~~~~~~

2007-05-06 11:34:24 補充：
FYI市面上除咗銀行同保險公司,都仲有啲獨立既理財顧問公司,佢哋無自己既product,佢哋係sale銀行或者其他財務機構既product,當然佢哋會收手續費,but 佢哋唔係sale自己product反而可以客觀啲話你知邊啲plan啱你,我都用緊一間叫convoy(依家成日賣廣告有個西裝友公仔嗰間呢),都OK,如果你有興趣可以email我,不過你無興趣都無所謂,我又唔係做呢行,個agent又唔係我啲friend,不過我見你同我情況差唔多,都可以同你share吓啫.Hope above information can help you.

2007-05-06 11:42:56 補充：
P.S. 我都擺過差唔多既問題上網.....結果都係好多"熱心人士"叫你call佢,唔係話佢哋一定立心不良,不過我真係驚"三九唔識七,唔防下唔得囉~~~"

首先你唔應該著眼點只在於紅利高低....紅利是具浮動性、會隨著市場狀況、公司盈利而派發的..........你話$504一個月，供25年....$504x12個月x25年，即是話你到時最基本會儲到$151,200，我當你紅利方面可以追到通賬，呢個數字唔貶值，151,200你是想做退休儲備、應急錢定教育基金呢???
我地做理財顧問，係要引導到客戶定出目標，再根據"理財金字塔"中每個階段再作出策劃，已達至資產增值.....
你連理財分析都未做，就咁肯定自己的目標儲備係151,200???
我唔知你係bank時個agent點同你講....但我好肯定呢位agent做完你張單後，你都會好難再搵佢，因為銀行係唔會有服務承諾架，更加唔會因為你的狀況去幫你策劃架，你出事時更加唔好期望會有專員去親身去幫你呀.........
仲有呀你呢d只係純保障家人的保單，咁你自己的在生權益呢，你覺得唔需要保障自己咩....我有好多客都試過係bank買，但全部買唔長.....我擔心你會好似我d客咁呀，自己買完但又唔知有咩用呀，最後就走去cut單，連保費都蝕埋.....
我唔可以肯定咁同你講，保險公司的儲蓄方案係最好，但講到服務承諾，我地永遠比bank優勝，已我d客戶為例，凌晨時份比人打劫，比個賊用刀鎅傷手指，斷咗兩條筋呀，要入廣華駁返呀，個客聯絡我，我兩個鐘內已經去到廣華比claim form佢喇，亦都即時同佢家人溝通到提供到一齊支援.........我相信bank係唔會為你提供到咁貼身嘅服務承諾比你架，但我地做公司嘅就一定有呢個服務.....
我個檔案到有我個人資料架，你可以知我係邊間公司做，係呢到我唔sell自己公司喇......有需要你亦可聯絡.......

之前嘅網友都講得有道理，但是你都要穩到間服務好信譽好嘅保險公司，因為自己本身做銀行，成日啲客都會投訴啲保險公司，所以你都要再三考慮；如果有熟人可能真是保險公司好，但是大銀行嘅就算啲人走嚟走去，但是會有固定SYSTEM去FOLLOW客人嘅CASE，香港現行五天工作制，銀行結算都是五天，就算個AGENT好HELPFUL咁話幫你跟，其實都是一至五做嘢；但是香港保險公司實在太多了，好多人投咗N年保都唔知自己投乜，又穩唔番間公司去CUT數，又無保單喺手，直頭是無頭公案，打1083都無任何公司資料，所以自己要衡量番，各有優點，但是本人就鍾情於銀行多啲。