倉鼠有甚麼特徵和特殊動作，會知道它是男or女和是不是有BB？

你可以睇下佢排泄既位置,應該會有2個孔,分得遠d既就係男仔,相反近d既就係女仔.

而熊仔鼠比細隻既鼠更易分,有d細個到未戒奶都分得出.你睇佢地底下有冇兩排乳頭,有就係女,而大個d就會見到尾附近有唔同, 圓係女,尾係尖就係男仔.

倉鼠懷孕係好難用肉眼去睇到,因為懷孕期短,熊仔鼠大約15-16天,細隻既鼠大約19-22天,而且倉鼠係會出現假懷孕既.

懷孕既特徵有以下幾點,但的確唔易肯定:

1)鼠媽媽個肚會忽然大左少少,但食得太多野都會肥.

2)乳頭會較為明顯.

3)心情煩躁,但兩隻鼠一齊,好多時會有打交既情況,所以冇bb都會咁,所以難分.

如果知道倉鼠懷孕,就要將鼠爸爸分開,唔係既話鼠爸爸就會食左d bb,而鼠媽媽覺得bb唔安全,都會食左bb.
如果生左先知既話,要留意以下幾點:
1)將鼠爸分開

2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶)

3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既


4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.


5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.


6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣


食自己鼠bb有幾個原因:

1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb


2)鼠媽媽覺得bb養唔大-鼠bb身體弱 or 自己冇足夠既奶分俾佢地


3)鼠媽媽覺得bb有第d動物氣味


4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張

5)鼠bb死左


6)鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb

另外,我本身好反對人養倉鼠唻繁殖,因為真係有好多問題,如果你想倉鼠繁殖既話,希望你可以考慮一下以下幾點:

1)倉鼠天生根本就係獨居動物,根本唔適合群居,就算兄弟姊妹,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既.

2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢.

3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,唔好盡信,鼠店有鼠死左都唔會俾客人知呢.

4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦.

5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶.

要分辦男女其實不是太難﹐只要你將鼠鼠抱起﹐看一看近尾部的地方﹐你會發覺有一處凸起的地方(無論男女都會有)。
然後看看這個地方離開,
便便的地方有多遠﹐離開較遠的是男性﹐而較近的則是女性

我只係知女的陰道下面沒一點,而男的就有一點凸出來.

我個人家有倉鼠,我家的倉鼠大多是這樣,男:很懶惰,女:很好動。(可能不同)女有bb的話,大多會打男仔,因要保護bb。(可能不同)