學倉頡定速成好？

當然係倉頡好用好多啦，選字小打都打得快d。

但速成你打熟左都可以好快既，但一定無倉頡咁快囉。

搵工有d公司會要求指定用倉頡，有D就唔會，只要你達到佢要求一份鐘打到幾多字就得。

其實倉頡唔難學既，你有心學一個星期就學得識，開頭打字一定會好慢，唔駛擔心，打字係練返黎既，一定會越打越快，得閒同人msn傾下計打打下就會好快。

如果你話最易學我覺得係九方，大約1個鐘就乜都學識，一開始打得仲會快過速成同倉頡tim，但長遠計你出黎工作時，你老闆唔會肯拎錢出黎買套正版九方俾你用，所以都係建議你學倉頡好D。

我之前都係打速成, 但點都唔夠倉頡快, 所以的起心肝轉打倉頡, 我覺得倉頡好好多, 打得快, 其實唔係好難, 記得口決, 打得多就會記得, 我都係打倉頡, 而家一諗倒個字, 隻手指自然會識去打個字出來。

學倉頡! 學左倉頡就識速成...
雖然速成易學,但係要打得快就好難,
因為要打得快就要記得D碼,
而倉頡要揀既字少好多,唔洗記咁多號碼...

如果比我
我會選擇學速成先
速成比較容易
只需要打頭尾碼
你學識左速成,記熟個表(打字表,速成,倉頡都適合用)之後
先學倉頡都唔遲
咁樣你學倉頡就會容易好多

講真丫...如果有心要學...我個人認為就一定學倉頡係最好...因為當你學成之後...打字一定比速成快好多...因為倉頡基本上打完之後唔需要再搵字...而速成就一定有好多字比你揀...加上當你學成倉頡之後就一定連速成都識用...但係如果你只係學速成...就未必會識得用倉頡喇...所以希望你細心考慮吓啦!!!

如果對我莉講,我覺得速成好學d,因為速成正係晜頭尾碼,就打到~

*晜個人意見~

當然是速成啦，佢好快，亦好學，好多人都係用呢！我都係用呢個！