未正式學過琴~考三級ok嗎

1~未考過第一級就即時考第三級ok嗎?
得。我一考就考5級(慳$)，132分。

2~如果我要考琴會考D咩同要注意D咩?
會考D乜??看syllabus啦：http://www.abrsm.org/resources/pianoG30608.pdf
要注意D咩??人人都唔同。我覺得最緊要陣定。陣定先可以投入音樂，發揮水準，彈出有音樂感的樂曲。otherwise練左幾耐都會打個折。

3~我要點先可以pass到第三級?
150分中拿到100分就pass。不過3級pass無乜用，有心，起碼都要120的merit。未正式學過琴，自修的話，130分 distinction 就好難...

考abrsm唔只彈琴，仲要考aural(聽力測驗)。呢part都有廿幾分，不可少看。
我想你對琴試的認識還是不夠，找人幫你吧。這不只是懂不懂彈琴的問題，而是要看你怎樣達到考試要求。同樣地，你識中文，中文考試都未必合格啦。

希望可以幫到你=]

我以前學校有個miss特突想學琴 ..
佢學左冇幾耐就練 3 級考試既野
佢咁大個都冇乜問題 .. 但係可能手指會硬 d
不過如果你之前有彈過應該冇問題
同埋其實好多人都係一考就考 3 級 .. 我都係
所以未考過第一級就即時考第三級其實好正常 ( 考試級級考好貴嫁 ==")

考琴方面會分 4 part ..
1)你之前練左既 3 首歌
3 首歌係分 A , B , C
A 同 B 同 C 都有 3 首俾你揀 .. 你應該揀自己鍾意同有興趣練既 STYLE ..
因為咁先有動力練嘛
彈歌重緊要係熟同有感情 .. 要同首歌有交流 .. 唔可以淨係熟但係冇 FEEL ..
唔熟就更加唔得啦

2) SCALE
有本 SCALE 既書要練 .. 佢會揀黎問你 .. PART PART 都問 D
其實 SCALE 只要順 , 熟 , 有力 就好易拎分
如果佢一問你就好有信心咁彈到出黎就好好喇

3) SIGHT READING
佢會揀一首歌俾你 .. 俾少少時間係睇下份譜就要你彈出黎
好考急才 .. 要睇你平時睇譜多唔多
有好多野要顧及 .. 好似大細聲呀 .. 速度呀 .. FLAT , SHARP 呀 ..等等
最忌冇信心彈錯之後又彈番
如果錯左音既唔緊要..應該繼續 ..

4) ORAL
有好多野問既..
好似佢彈歌你拍拍子呀 .. 哼 D 音呀 .. 咁LOR
應該買本書搵人同你練GA
其實呢 PART 我覺得都幾輕鬆 .. 好似同個 EXAMINAR 傾下計咁LOR

其實part part 都有書買 ga .. 我覺得應該全部都買黎練 .. 我次次都係

成個考試其實好緊要既係要有禮貌 .. 微笑呀 .. 點頭呀 .. 同人打招呼呀 .. O個D
同埋坐姿都緊要 .. 唔好太 HEA
考之前記得要睇下你係要去邊間琴行考 ..
考前去O個間琴行 BOOK 考試部琴練半個鐘試下部琴
都可以話係同部琴溝通下
同埋習慣下o個度個環境lor
不過半個鐘真係夠ga喇 .. 因為好貴
另外如果需要翻譯既話要o係報名既時候講埋 .. 不過就要俾錢
我建議你唔駛 .. 因為其實 d 考官都唔會用 d 太難既英文

其實考 3 級唔會太難 .. 只要有努力練就一定得 ..
努力啦 =}

2007-05-02 00:20:08 補充：
如果真係想考一定要搵個老師 / 識彈琴考過級既人教你呀因為你自己唔識點練先練得好

我特別認同http://hk.knowledge.yahoo.com/my/profile?show=HA00280345
此人的見解
未跟過老師正式學過，仲要一考考三級，可以坦白講：實100%肥佬
就算你考一級pass，都只是你夠好彩而已
同埋唔知點解，而家ABRSM的評分準則越來越寬鬆

十成九唔可以pass

你考3級,play play下,你10成7可以pass !
您去琴行,find 個好老師,你10成9.5可以pass

我相信你的意思是考英國皇家音樂樂院的鋼琴考試。首先考琴試要付考試費，2007年三級的考試費是港幣845元，如果要請翻譯另加88元，另外你要買考試書(不能用影印本，當然你可以背譜，那可以不買譜)，最後為求穩妥，臨考試前你要租應考的琴室熟習你用來考試的鋼琴(如果你平時用的是直立鋼琴，考試用的是三角琴，這點錢萬萬不能省)，一般來說約百多元練一次，你的考試成本約是1000元。你如果不介意用1000元買個經驗，當然沒問題。
三級考試包括四大部分：1.要彈三首不同時期的樂曲，2.彈奏指定音階及琶音，3.視譜彈奏(考官即時給你一份樂譜，讓你看一段短時間後立即彈奏)，4.Aural口試。三級的口試包括分辨樂句的拍子(二拍、三拍或四拍)，聆聽後憑記憶唱出三句短句，憑聆聽辨別考官彈的2句樂句究竟是節奏上或旋律上有所不同，並聆聽一個樂曲片段，回答有關樂段音樂上的特點。如果你沒有老師的訓練，平時彈的樂曲又少，第3,4部份都較難掌握。而三級樂曲對鋼琴的基本彈奏技巧(連音、跳音、指法運用、力度控制)有一定要求，如果沒有老師指導......當然世上有些高人可以以自學的形式完成三級考試。
如果有老師指導，加上認真、持之以恆的練習，考三級不會有問題。

2007-04-27 18:58:03 補充：
其實也想學琴的同學反思一下為什麼要學琴，為什麼要考琴試，我常常都被學生的家長問，多少年內可以考到三級、五級、八級。如果純粹為了得到證書，要過關並不困難。但學琴不是學習一種藝術嗎?藝術不是需要時間去薰陶、浸淫的嗎?香港是最多人報考皇家術科考試的地區，但有多少同學會在完成八級後堅持學琴、練琴?有多少人除了聽考試曲CD外會聽其他CD?抱歉乘機發牢騷，但真的想大家意識到：鋼琴彈奏是一種藝術，不是為大家入名校的工具。

你要認真d去學先得喎!
因為我係係幼稚園高班時學琴,e家我都已經7級.我一考就考三級,所以我唸如果你正正經經搵個老師學,我唸你可以係一年內考到好成績.
但係你要記住要考得好要揀首適合你的歌.例如:你彈快歌/慢歌/浪漫d/豪邁d既歌,但先祈唔好3首都係快歌/慢歌,要俾個考官覺得你種種唔同歌都得.

你考3級,仲要係玩玩下,你十成九唔可以pass !
好心您去琴行,find 個好老師啦 !
ok?

NO.
玩玩下不等於認真學

學琴是要認真學習才學到的東西，不是得閒就去接觸下琴，唔得閒就不理．

真正學琴會認識很多彈奏技巧，指力，不是玩玩下的．

要認真去學習，才會考到３級．

我是全職教鋼琴導師，這是我的意見罷

2007-04-27 16:49:19 補充：
要一考考三級，沒問題，但要找個好導師ｌｏ絕不是玩玩下ｌｏ

當然可以, 我都係未考過第一級就即時考第三級啦 ! 咁緊係搵個專業鋼琴老師教會好D啦!
考試時, 當開始彈考試歌前, 要等考官示意可以才好彈 , 否則會扣分。
三級鋼琴試分咗幾部份 : Scale , Oral , Exam pieces 及彈一首你從來未彈過的歌。
其實, 如果想Pass 到第3級, 好easy, 只要勤練習, 便 Ok !

玩玩下果種牙.....
um...咁你識唔識睇譜嫁???

如果你未正式學過, 咁即時考第3級都真係唔係話易個bo...
如果想pass, 就真係要練得好熟好熟lor....
我自己都考過三級, 講真其實都好講天分, 由其係oral果part...

你不如正式學左先去考試la....
未學行先學走始終都係一件難事...