為什麼要偷偷摸摸去認識第二個女性朋友

首先妳要冷靜啲先,了解清楚件事情先.妳現在大吵大駡係解決唔到問題.你哋各自有唔同興趣係無問題的.只要大家真心喜歡就沒有問題.妳有弱聽這件事,妳男朋友識妳時已經知道.佢介意的話就唔會同妳一齊.這樣更加沒事情好驚.

妳是不是好清楚見到佢哋係望到妳先.或者佢哋真係睇妳唔到LA.我啲朋友有時話在我面前經過,我都見佢哋唔到.所以佢哋見唔到一啲都唔出奇.我估佢哋應該無拖住手過馬路是不是.佢哋會唔會係普通朋友,又或者剛剛認識妳唔知啫.不如試探妳男朋友問佢個日幾點返學同邊個一齊行路.如果佢話好似平時咁一個人返學,咁妳就唔好發脾氣,當沒有事發生.

睇吓佢之後啲行為會點,妳叫佢陪妳而佢搵藉口推妳,又或者說無時間之類,咁妳用溫和語氣問佢,我同妳之間係唔係有第三者.如果佢答無,咁妳就信佢一次,佢答有咁妳就想清楚左重好唔好同這個男仔一齊.就算答案係點,妳都要扮大方,等佢會覺得內疚.

其實拍拖都可以有大家嘅朋友, 你見到佢同個女仔一齊過馬路其實都唔出奇, 可以只係普通朋友, 又甚至係同事...所以你亦唔須要太擔心! 至於佢地唔同你打招呼, 我相信佢地應該係見你唔到, 試諗下...如果佢地有嘢, 見到你仲唔即閃咩, 仲慢慢行比你睇咩,係咪?
兩個人相處, 應該要信任對方, 有時太過緊張同懷疑, 反而會影響大家嘅感情架! 當然, 我唔係叫你盲目咁信你男友, 其實如果佢個心有第二個, 你都應該會feel到, 唔可以單靠呢件事去判斷!
但如果你點都係放唔低呢件事, 就直接問下佢(以講笑形式), 睇下佢有咩反應, 免得你心中永遠都會有條刺丫!
P.S: 希望你可以好快解決自己呢個心結, 同你bf開開心心啦!

點解你不直接去問你的男朋友，我相信就算有幾多人回覆你的問題，你都會不安心，每一個人回覆你，他們只不過好比一粒必理痛，讓你暫時去除不適的感覺，所以要徹底解決就必是要問清楚你的男朋友，更何況你所形容的情況好平常，都不是大不了的事，因此我更加認為你去問佢，好過成日係度唔開心，最後原來發現係一場誤會的話就不值啦...

他跟第二個女仔一起過馬路? 還有沒有其他舉動令你覺得他們有d野?
如果沒有, 我認為是你太多心了! 你是否認為你男朋友只可與其他男性聯絡, 不可與任何女性有接觸嗎? 別太多心了.....
如果有, 你也許可以問清楚你男朋友, 勸你早走早著, 拖得越耐, 只會越唔開心!
仲有, 一個愛你的人, 不會介意你是否弱聽的, 知道嗎?

最好扮唔知,好來好去
若果他不再愛你,你無理由感覺不到,萬一只是你誤會,你話比佢聽會破壞大家的信任